Home EduTek MEJD Rekupera Eskola Esperansa da Pátria, Ba Prosesu Aprendizajen Ho Seguru no...

MEJD Rekupera Eskola Esperansa da Pátria, Ba Prosesu Aprendizajen Ho Seguru no Saudavel

206
0
MEJD ho parseiru sira iha eskola Esperansa da Patria. [Foto: Francisco JDA | 27.07.2020]

Reportazen Francisco JDA

Ministeriu Edukasaun Juventude no Desportu  MEJD) Parseiro ho UNICEF, ADB, CARE Internasionál no Parseiro seluk, hodi hala’o lansamentu ba eskola Esperansa da Patria, hodi rekupera prosesu aprendizajen iha aprende no saudavel.

Hosi lansamentu ne’e fahe mós ekipamemtu Prevensaun Covid-19 ba Eskola Esperansa da Patria hanesan Mascara, Ekipamemtu Desinfekta, Aisar, balde no seluktan.

Vise Ministro Edukasaun Juventude no Desportu, António Guteres iha Diskursu hateten fulan tolu ba kotuk ema hotu triste tanba kuaze atividade eskola no ekonomia la funsiona ho di’ak tanba moras pandemia Covid-19

“Moras Pandemia ne’ebé ita hotu senti, dalaruma halo susar inan aman no oan sira triste, tanba oan sira labele eskola, inklui mestre sira mós triste tanba la iha aula prezencial no estudante labele hasoru malu ho mestre no kolega estudante sira hanesan bainbain”, hateten Vice Ministro iha eskola esperasan da patria, 27/07

Vice Ministru hateten maske kondisaun difisil, kumpri nafatin regra sira ne’ebé MEJD fo sai Liu hosi kooperasaun ho Ministeriu Saúde, Eskola ida ne’e sei sai ezemplu ida ba eskola públiku sira seluk  liuliu ko’alia kona ba saúde no ijieniku.

Vise Ministru reforsa tan maske eskola Esperansa da Patria kompletu ho fasilidade eskola, enkoraza manorin nain sira katak ekipamentu sufisienti, maibé la bele haluha no promove nafatin alunus sira nia talent no kontinua halo kompetisaun iha tempu agora.

Iha Fatin hanesan Reprezentante UNICEF iha Timor-Leste, Valierie Taton iha diskursu hateten,  eventu ohin loron ne’e kontinua halo inisiativa, hodi governu Timor-Leste, espesialmente MEJD ho UNICEF atu enkoraza labarik sira fila ba eskola aprende ho seguru

“Hanesan parte hosi inisiativa ne’e, kolokiu nasionál ba Diretor Edukasaun Municipiu sira, Suprentendente Edukasaun, Inspector Pre Eskola no Eskolaridade sira, atu iha konsensia ba mensajen sira loke hikas eskola iha nivel nasionál no municipal”, hateten Valierie

Valiere hateten iha semana hirak mai ne’e, sei iha lansamentu ba mensajen hosi Radio no Televizaun konaba  atividade sira seluk,  hodi enkoraza labarik sira fila hikas ba eskola kontinua aprende ho seguru”, dehan Reprezentante UNICEF Mai Timor Leste.

LEAVE A REPLY

Please enter your comment!
Please enter your name here