Home EduTek 88% Eskola Iha Municipiu Dili Hahu Reativa no 12% Sedauk Tanba Sei...

88% Eskola Iha Municipiu Dili Hahu Reativa no 12% Sedauk Tanba Sei Infrenta Difikuldade

272
0
Diretor Edukasaun Municipiu Dili, Duarte Braganca. [Foto: Francisco JDA | 28.07.2020]

Reportazen Francisco JDA

Impaktu hosi pandemia Covid-19 ne’ebe halo eskola hotu taka durante fulan 3 nia laran, iha fulan Julhu eskola publiku no privadu sira komesa reativa ona, depende ba protokolu Covid-19 nian ne’ebe eskola hotu tenke tuir standar hosi Organizasaun Mundial Saude (OMS).

Tuir dadus eskola sira ne’ebe reativa ona iha munisipiu Dili hamutuk 174 hosi total eskola 197, hela eskola hamutuk 23 mak sedauk reativa, tanba iha sei infrenta difikuldade barak.

Diretor Edukasaun Municipiu Dili, Duarte Braganca ba jornalista sira hateten eskola reativa hamutuk 88% maibé 12%  mak seidauk reativa.

“Difikuldade ne’ebé durante ne’e hasoru, ami nia ekipa ne’e fahe ba postu neen hamutuk ho postu admistrativu Saúde neen. Problema ne’ebé sai dezafiu boot mak hosi parte Saúde sira, dalaruma ami nia programa tuku 9:00 dader tenke prezensa ona iha eskola ne’ebé programadu, maibé dader doutor  sira tenke atende lai ema iha dader, iha Saúde ne’e sira nia difikuldade mak transporte”,hateten Diretor Edukasaun Municipiu Dili Duarte Braganca, iha Eskola Esperansa da Patria Becora,27/07

Nia dehan tuir lolos kada loron tenki halo verifikasaun eskola tolu,  maibé atrazu oituan entaun verifika ida ka rua de’it iha loron ida no eskola sira iha Ataúru hela eskola 7 ne’ebé sai problema boot tanba tenki hakur tasi

“Sira nia difikuldade hato’o mai ona iha governu central, depois oinsá mak bele fasilita. Eskola 7 mak sei iha difikuldade maibé governu nafatin esforsu an no sira husu oinsá mak bele la’o ho Bero de’it, hein hela prosesu nune’e bele fo resposta ida tanba hakur tasi”, tenik Duarte Braganca.

Nia informa eskola hotu atu reativa fila fali tenki priense rekejitus hosi Ministeriu Saúde no MEJD nia tanba lakohi hetan risku ba labarik sira, bainhira regra ne’ebé implementa la tuir no kontinua halo asaun preventiva molok reativa eskola sira.

LEAVE A REPLY

Please enter your comment!
Please enter your name here