Home Uncategorized ABCID ho Oxfam Organiza Treinamentu Ba Jornalista Sira, Oinsá Kontra Informasaun Falsu

ABCID ho Oxfam Organiza Treinamentu Ba Jornalista Sira, Oinsá Kontra Informasaun Falsu

219
0

Reportajen Francisco JDA

Oxfam Timor-Leste hamutuk ho ABC Internasionál Development organiza treinamentu ba jornalista, editor, inklui mós ema ho defisiénsia sira, ho objetivu atu oinsá mak bele hasae koñesimentu no abilidade jornalista sira bainhira luta hasoru informasaun falsu no pelumenus komprende kona ba verifika faktu hanesan, misinformasaun, disinformasaun no malinformasaun inklui oinsa mak bele  halo kobertura iha situasaun pandemia Covid-19 no nia impaktu ba ema vulneravel sira

Iha abertura treinamentu refere reprezentante Oxfam Timor Leste Cris Caetano hateten katak, formasaun ne’e importante, tanba oinsá mak bele kontra  informasaun falsu no responde infrasaun sira mak akontese iha media sosiál sira

“Workshop ne’e lolos planu atu halo loron rua maibé tanba ba oin ita sei iha tan lockdown ita labele halibur malu liu ema na’in 10, ita koko halo loron ida ne’e depois ita buka fali tempu seluk, nune’e bele halo kontinuasaun” hatete reprezentante Oxfam Iha Timor Leste Cris Caetano iha salaun Oxfam Hudi Laran Dili, 26/08

Cris Caetano subliña treinamentu ne’e atu fahe esperiénsia tanba ABC ID hanesan organizasaun ne’ebé kredivel no boot hosi Austrália, no sira iha esperiénsia ne’ebé boot tanba ne’e Oxfam husu sira atu oinsá hare liu ba asuntu Covid-19

Nia dehan, fulan hira ba kotuk Oxfam hahú ona hamutuk ho Organizasaun Maluk Timor, hetan informasaun balun kona ba Covid-19 hosi doutór sira hanoin katak iha ona kompriensaun uitoan, nune’e  ABC ID prepara ona modula ne’ebé mak di’ak bele uza ida ne’e sai matadalan ba reportajen pandemia Covid-19

Iha fatin hanesan treinadór ba formasaun Salvador de Jeses hatete katak, hosi formasaun ne’e partisipante sira sei hetan oinsá mak komprende konaba saida mak disinformasaun, misinformasaun no mal informasaun, no oinsá halo pitching ka halo planu ba istória, nune’e oinsá bele halo reportajen ba feto no labarik feto, no ema ho defisiénsia sira kauza sira mak hasoru iha tempu pandemia Covid-19.

Print Friendly, PDF & Email

LEAVE A REPLY

Please enter your comment!
Please enter your name here