Home Notisia MAPKOMS: Era Dijitál, Mídia Konvensionál Presiza Prepara-an Kompete iha Merkadu

MAPKOMS: Era Dijitál, Mídia Konvensionál Presiza Prepara-an Kompete iha Merkadu

745
0
Ministeriu Asuntus Parlamentares no Komunikasaun (MAPKOMS), Francisco Jeronimo. [Foto: Francisco JDA | 15.02.2021]

Reportajen Umbelina dos Reis

Ministru Asuntu Parlamentar no Komunikasaun Sosiál (MAPKOMS) hatete mídia konvensional ohin loron hetan dezafiu boot tebes iha era dijitál, maibé tenke iha preparasaun atu kompete iha merkadu.

Ministru Francisco Jeronimo hato’o lia hirak ne’e, iha enserramentu ba Dili Dialogue Forum 2021, iha salaun Delta Nova katak media konvensionál hahú preokupa, konaba sira nia produtu folin ka lae iha era dijitál, ne’ebe hahú influensia maka’as no husu atu governu bele apoia sira.

“Objetivu oinsá atu apoia mídia sira liu husi  dalan ne’ebé legal, infelizmente lei ne’ebé mak governu atu fó subsídiu ba media sira, maibé la promulga hosi Prezidente tanba ho intensaun katak bainhira  subsídiu ona, entaun midia la independente ona, saída mak governu halo la los, media la balansu” hatete Ministru Francisco iha enserramentu ba Díli Dialogue Forum 2021, iha Salaun Delta Nova, 02/12.

Governante ne’e akresenta Konsellu Imprensa kontrola mídia sira lao tuir regra, konstrusaun los, liberdade espresaun no liberdade imprensa, no konabá asesu depende ba merkadu mak determina.

“Merkadu mak sai determina ema hakarak akompaña media online ka televizaun, jornál, YouTube, ida ne’ebé  konvensionál difisil bainhira la preparadu” dehan Ministru Francisco.

Nia hatutan media ba futuru importante tebes ho jornalista sira, tanba se jornalista sira la iha media mos la moris.

Print Friendly, PDF & Email

LEAVE A REPLY

Please enter your comment!
Please enter your name here