Julgamentu ba kazu Topu Honis sei hahu ohin, 24 Maiu, maibe to’o oras ne’e dadaun advogado hosi arguido Richard Dascbach no Richard Dascbach rasik seidauk to’o iha Tribunal Oecusse.
“Tuir loloos julgamentu ne’e halo ohin, tuku 9 dader ne’e hahu maibe to’o agora arguido nia advogado no arguido rasik, Richard Dascbach, seidauk to’o iha fatin julgamentu. Karik tanba serka sanitaria mak sira seidauk bele mai tuir julgamentu,” Ofisial Tribunal Julio Nunes, informa ba Neon Metin via telefone dader ne’e, 24/05.
Julgamentu ba kazu Topu Honis ne’ebe involve Richard Dascbach nudar arguido ne’ebe planu tiha ona ba halo iha 22 Marsu, maibe adia ba 24 Maiu 2021 ho razaun Estadu Emerjensia no Serka Sanitaria.
Iha fulan Marsu (19/03), Julio Nunes esplika katak ulgamentu ba kazu ne’e adia ho justifikasaun tan agora dadaun Dili iha situasaun lockdown. Arguido TIR iha Dili, advogado maioria hosi Dili, prokurador mos iha Dili, no juis balun mos iha Dili. Ho razaun sira ne’e mak adia julgamentu kazu ne’e ba fulan Maiu 24 – 28 Maiu 2021.
Kazu Topu Honis mak nudar kazu pedofilia ne’ebe mosu ba publik dahuluk iha Timor- Leste no kazu ne’e involve eis-Padre Richard Dascbach hosi kongregasaun SVD nian. Ho rezultadu investigasaun Kongregasaun Dutrina ba Fe nian iha Vatikanu, Richard
Daschbach konfesa tiha ona katak nia sala, no Amo Papa Francisco hasai tiha ona Richard Dascbach nudar padre iha tinan 2018. Eis-Padre ne’e agora dadaun tuir hela prosesu justisa ho kondenasaun kazu pedofilia, pornografia labarik no violensia domestika.
