Home Notisia CNC Ho Asosiasaun Venu Organiza Festival Kultura Rezistensia Popular: Funu Memoria no...

CNC Ho Asosiasaun Venu Organiza Festival Kultura Rezistensia Popular: Funu Memoria no Trauma

1609
0
Diretór Ezekutivu CNC Hugu Maria Fernandes Halo Nia Diskursu Iha Festival Kultural Rezistenaia Popular (FKRP), ho tema "Funu Memoria no Trauma" Iha Jardin 5 de Maiu Kolmera, (Foto Media CNC).

Reportajen Joselina dos Santos no Joanina Casamiro

Centro Nacional  Chega (CNC), hamutuk ho Asosiasaun Venu  hodi organiza Festival Kultural Rezistenaia Popular (FKRP), ho tema “Funu Memoria no Trauma” durante loron haat liuhosi área tolu mak hanesan  Palku Memoria, Palku Fitas, no Palku Esperansa. Objetivu atu maneza memoria moruk pasadu nia hodi serve ba harii dame paz no estabilidade iha futuru.

Iha Diskursu, Diretór Ezekutivu CNC Hugu Maria Fernandes hatete, CNC  nu’udar instiruisaun publiku orgullu tebes, tanba nasaun barak liuhosi konflitu naruk la iha instituisaun ida iha memoria hanesan Timor Leste, Ne’e uniku iha mundu mak nasaun Timor Leste harii hosi funu atu hatudu ezemplu atu preseva ba memoria pasadu nian  CNC hetan knaar toda ida ne’e atu bele rezerva memoria  fitas no trauma sira iha pasadu hodi ba jerasaun foun sira atu la repete tan saida mak akontese iha tinan hirak liu ba.

“Tinan ida ne’e ita selebra festival Kultura Reziistensia Popular ba dalan 5, festival ida ne’e Primeiru Ministru mak inisia bainhira nia simu knaar nu’udar koordenador jeral ba iha Selebarasaun tinan Rua Nulu konsulta popular iha 2019. Ha’u nu’udar koordenador ba programa iha tempu ne’eba primeiru Ministru aktual tenke halo konseitu musik resistensia poesia sira, instrumentu arte kultura sira ne’ebé uluk ita uza iha funu nu’udar reflesaun ida ba kontra dominasia poder nian ba Jerasaun foun atu sira  bele haree katak, funu ne’e laos de’it iha kilat, laos de’it iha mesa diplomasia maibe ita nia artista kantor, pintor no poenta sira mos kontribui sira nia signifikante”, dehan Diretór Ezekutivu CNC HugU Maria Fernandes, iha Jardin 05 maio, Kinta 07/12.

Iha fatin hamesan, Diretór Asosiasaun Vemu Ananias Carlos Lopes hatutan Asosisaun  Venu enkontru ho Centro  Nacional Chaga kona-ba reabilitazaun Festival Kultura Rezisténsia Popular nian.  Iha momentu ne’e CNC apresenta Konseitu jeral kona-ba festival ho ” Tema Funu Memoria no Trauma. Hakat ona ho funu naruk maibe memoria kona-ba funu ne’e rasik nafatin moris to’o ohin loron.

“Funu ida ne’e fó influensia ba ita nia hanoin atetude no hahalok, dala barak ita hanoin fali atitude hahalok violentu ne’ebé uluk obra bo’ot sira halo mai ita maibe ida ne’e hanesan buat ne’ebé normal”, dehan Ananias.

Nia dehan, Asosiesaun Venu nu’udar grupu arte ida ne’ebé aseita hosi CNC nia ideia katak presiza iha  aprosimasaun kultural ida hodi responde kestaun ne’e atu maneza memoria moruk pasadu nia hodi serve ba harii dame. Asosiesaun Venu mos hamrik hodi responde ba kestaun ne’ebé mais ou menus hanesan lakoi atu avitua ho kultura violentu, tan ne’e liuhosi dezenvolvimentu musika no espresaun artistika oin-oin Venu hakarak habelar Mensajen dame hodi kontribui ba hari paz iha Timor-Leste.

Esperansa sai hanesan xave ida mai ami katak ita la bele mout ho kanek pasadu nian maibe tenke hateke ba futuru ho esperansa ida. Palku Memoria hanesan espasu ida hodi l hanoin hikas no lembra fali pasadu. Palku Fitas hanesan espasu ba reflesaun no kuda kanek nian esperansa hanesan espasu ba esperansa nian.

Print Friendly, PDF & Email

LEAVE A REPLY

Please enter your comment!
Please enter your name here