Reportajen Agustina Amaral
Grupu Uniaun Agrikultura Ermera (UNAER) husu ba governu IX tau prioridade ba infra-estrutura estrada iha áreremotas, hodi fasilita agrikultor fa’an sira nia kafé iha merkadu. Sira husu mos governu hapara importasaun kafe, nune’e promove produtu rai laran, liu-liu agrikultor kafe sira.
“Ha’u hanoin produtu hotu-hotu iha merkadu lokal nomos merkadu nasional presiza estrada públiku liga husi nasional to’o munisípiu sira, produtu kafe sira ne’e ami tau iha Agen kafe, restaurante kafe atu nune’e sira labele sosa kafe mai husi rai li’ur, ami haree produtu sira ne’e governu la sosa to’o super market sira”, dehan, Marcos de Jesus Martins iha Konferénsia Imprensa iha Haburas, 07/12.
Reprezentante grupu UNAER, Marcos de Jesus Martins hatete, kafe orgániku mai husi Ermera da-daun me’e aloka iha fatin balun, liga ba folin kafe bai-bain folin sa’e no folin tuun, entaun produtu ne’e distribui ba iha merkadu ho folin ne’ebé determina ona iha komunidade, bazeia ba sira nia nesesidade depois ida ne’e fundus kafe ne’ebé iha aumentan ba mesin hodi dulas kafe.
“Rendimentu ba ami ne’e fulan ida ami hetan 60 dolar tuir nesesidade, ami produs la kahur buat ida tanba iha ona merkadu nomos ema ho difisiente rasik mos fa’an iha Dili” nia haktuir.