Home Saude Investe Iha Nutrisaun Sei Salva Vida, Bendita: Hahan La Moos, Sei Lori...

Investe Iha Nutrisaun Sei Salva Vida, Bendita: Hahan La Moos, Sei Lori Bakteria

1118
0
Edukador Juventude desenvolvimentu Nasional, Bendita Marce Freitas. [Foto: Francisco JDA |11.09.2020]

Reportazen Francisco JDA

Hadia nutrisaun sai hanesan prioridade nasional, investe iha nutrisaun salva vida hodi alkansa edukasaun ne’ebe kualidade, aumenta produtividade no hasae desenvolvimentu nutrisaun ekonomiku povu no nasaun nian, iha ai han lokal oin-oin nutritive ne’ebe diak no sekarik menus nutrisaun sei hanesan problema seriu grave iha feto no labarik kiik ne’ebe bele fo risku ba mate.

Juventude Dezenvolvimentu Nasional (JDN) halo sosializasaun konaba importansia nutrisaun ba ema nia saude  iha Institute Apoiu Dezenvolvimentu Emprezarial (IADE).

Edukador JDN, Jacael Armindo Fatima iha deskursu hateten katak koalia kona ba nutrisaun iha variedade tolu, hanesan ai han ba buras, ai han protesaun no ai han fo forsa hosi hahan sira ne’e, nia funsaun ba ema nia isin la hanesan, se loron ida mai han, ai han menus hosi variedade tolu ne’e sei fo impaktu ba saude.

“Ai han buras ho nia funsaun mak atu halo kresimentu no dezenvolvimentu ba ita nia isin karik, ita la konsumu ai han buras, ita sei menus kresimentu, ai han protesaun mak ai han ne’ebe konsumu atu proteje ita nia isin no hahan sira ne’ebe importante ba ita no ita la konsumu karik, ita fasil liu atu hetan moras”, hateten Jacael, iha salaun IADE 11/09.

Nia hateten ai han forsa mak atu fo energia ba ita, tanba ne’e mak ita presiza tau prioridade ba iha han ne’ebe fo protesaun, katak loron ida mak ita han deit etu no ita bele bosu, maibe selula isin bele moras tanba la iha ai han ne’ebe iha protesaun.

Iha fatin hanesan Edukador Juventude Desenvolvimentu Nasional, Bendita Marce Freitas hanesan mos aprezentadora ba material nutrisaun, iha nia esplikasaun esplika katak tuir Organizasaun Mundial Saude (OMS) no Ministeriu Saude (MS) iha xave lima ba saude seguru, atu iha ai han ne’ebe mak diak, hodi suporta ba isin lolon no atividade loron-loron nian, bainhira lori hahan ne’e ba isin lolon mak la moos hanesan mos lori bakteria ba isin lolon.

“Ijiene pesoal ka moos ne’e ba prepara hahan no fo hahan ba labarik mantein moos no ijiene pesoal, laos  ba olahraga depois kosar mak prepara hahan ne’e la dun diak no material sira ne’ebe prepara ba hahan mos tenki moos no haketak hahan matak no tasak, no tein halo tasak didiak hafoin bele konsumu, nune’e bele minimiza bakteria kontein iha naan ka ikan sira ne’ebe matak hela no rai hahan iha temperature ne’ebe seguru, kuandu ahi mate lakan, bele fo impaktu ba hahan sira ne’ebe ita rai, atu tein uja bee ne’ebe moos no kontinua mantein hahan seguru, liu hosi xavi lima ne’ebe fo sai hosi OMS no Ministeriu Saude”, hateten Bendita Marce

Print Friendly, PDF & Email

LEAVE A REPLY

Please enter your comment!
Please enter your name here