Home Saude ANCT: Idade 13-15 Iha 30% Fuma Tabaku, Ema Ne’ebe Afeta Suar Tabaku...

ANCT: Idade 13-15 Iha 30% Fuma Tabaku, Ema Ne’ebe Afeta Suar Tabaku 71%

688
0
Jestor Autoridade Nasional Controlu Tabaku, Sancho Fernandes. [Foto: Francisco JDA | 11.09.2020]

Reportazen Francisco JDA

Autoridade Nasional Controlo Tabaku (ANCT) halao sosializasaun ba funsionariu instituisaun apoiu Dezenvolvimentu Empresarial (IADE) ho objetivu fahe informasaun kona ba impaktu fuma tabaku iha fatin publiku, liuliu iha areadores IADE nian no bele evita fatin proebidu sira, nune’e labele daet ka fo mos impaktu ba ema ne’ebe la fuma tabaku.

Maske governu iha ona dekretu lei 14/2016 regime kontrolu tabaku no hetan aprovasaun iha tinan 2016, maibe joven adultus ferik, katuas sei kontinua fuma iha fatin publiku sira.

Tuir dadus sientifiku iha Timor-Leste, iha tinan 2016, entre ema ho idade 15-49, hatudu katak mane ne’ebe fuma tabaku hamutuk 53.7% no feto iha 3.0%, hosi dadus ne’e hatudu katak fumador iha sexo mane ho idade 15 as liu iha reijiuan Sudueste Asiatiku no tuir Global Youth Survey (GYS) entre idade 13-15 iha 30% mak fuma tabaku, nune’e ema ne’ebe loron-loron kona tabaku suar iha uma hamutuk 71%.

Hosi dadus ne’e Jestor Autoridade Nasional Controlu Tabaku, Sancho Fernandes iha aprezentasaun hateten iha kategoria rua mak moras la hadaet hanesan atakasaun fuan stroke, kankru diabetes, ran midar asthma no moras daet hanesan HIV, Tuberculosis iha 2012 ba leten, moras ida la hadaet ne’e oho ema barak liu hanesan atakasaun fuan, Stroke maske ema seidauk too idade 60 mais tenki mate.

“Iha ita nia rejiuan ida ne’e, iha tinan 2012 ne’e ba leten, ema nia harapan hidup ne’e tun tiha ona 70%.  Ema barak mak jarang ona atu mate iha idade 70-90 iha generasi ita nia ne’e 90 jarang,  iha mudansa boot ba espetativa moris, hosi Demografia Survei Shorting Timor, nia idade rata rata ba mate ne’e idade 66 tun hosi idade 70,  generasi sira ne’ebe sei konsumu hahan saudavel, so sira deit mak bele sei to’o idade 90 maibe generasi ita nian ne’e tun ona hosi idade 66 ida ne’e, hetan iha rejiuan Sudueste Asiatiku ne’e”, hateten Jestor ANCT, Sancho Fernandes Iha Saulaun IADE Mandariin, 11/09

Sancho Fernandes esplika tan, atakasaun fuan iha rejiau Asiatiku barak liu, 27% Asthma, 11% Kankru 9%, Diabetes 3% no mos moras kroniku sira seluk. Tuir dadus hosi Hospital Nasional Guido Valadares ba ema mate no nain ida mak stroke no atakasaun fuan.  

Impaktu hosi moras la hadaet sira nia hun mak mai hosi tabaku no han hahan la saudavel no seluk mak la halo atividade fizika, nune’e Organizasaun Mundial Saude (OMS) rekomenda atu halo atividade fizika seman ida minitu 50.

Iha fatin hanesan Diretor Executivu IADE, Filomeno Marcelino Belo ba jornalista sira hateten, iha semana hira liu ba kotuk funsionariu sira barak liu mak fuma iha IADE no fuma la tuir regras ona no konforme tuir hakarak, entaun husu ANCT atu tau sinais atu ema labele fuma no tau fatin fumadores nian, hafoin seminariu ne’e remata IADE, implementa kedas sasaun ba funsionariu sira kuando fuma la tuir regra sei simu sansaun ho koima ka osan.

Iha Seminariu nee Partisipa mos Juventude Desenvolvimentu Nasional, hodi halao mos promosaun ba oinsa atu hahan nutrisaun no saudavel.

Print Friendly, PDF & Email

LEAVE A REPLY

Please enter your comment!
Please enter your name here