Home Notisia Sesta Bazika, Kompania ACELDA Prefere Kontinua Fo Importansia ba Produtu Lokal

Sesta Bazika, Kompania ACELDA Prefere Kontinua Fo Importansia ba Produtu Lokal

352
0
Diretor Kompania ACELDA, Higino da Costa Freitas. [Foto:Francisco JDA | 01.02.2021]

Reportazen Francisco JDA

“Governu sei tau fos importasaun, tanba produtu rai laran menus, maibé tuir Higino di’ak liu mak tau importánsia ba ita nia produtu rai laran, nune’e bele fo kapasitasaun ba agrikultor sira, nune’e bele serbisu makaas liu tan”. Diretor ACELDA

Kompania ACELDA sei la sosa fos importasaun hodi fahe ba komunidade liu hosi programa Sesta Bazika, tanba ho misaun ida atu hare liu ba produtu lokal.

kompania ACELDA ne’ebe hala’o tiha ona distribuisaun ba faze rua no faze dahuluk iha Hera, aldeia rua no faze daruak iha kapitál  Dili iha aldeia 5, nune’e ba faze dahuluk governu halo ona pagamentu ho osan $11 mill no faze daruak mak seidauk iha pagamentu,

Diretor Kompania ACELDA, Higino da Costa Freitas hateten sekarik  governu fo tan oportunidade ba kompania ACELDA, prontu nafatin atu koopera tanba dadaun ne’e ACELDA iha hela fos rai toneladas 8 inklui produtu seluk.

“Ha’u hanoin katak ba oin segundu faze ne’e bele paga lalais, karik governu fo fiar ba ami kompania ACELDA prontu nafatin para atu halo distribuisaun Sesta Bázika, tanba seitor privadu hanesan parseiro governu.  Ita tenki serbisu hamutuk atu nune’e bele dezenvolve ita nia nasaun ne’e la’o ba oin, buat ne’e urjenti oituan, povu la iha preparadu no ita nia produtu lokal menus maibé povu agrikultura esforsu an nafatin, oinsá aumenta sira nia produtu, nune’e governu no seitor privadu rekolla hodi sosa produtu ne’e, so que buat ne’e  emergencia entaun susar oituan asesu ba ita nia produtu”, hateten Diretor Kompania ACELDA iha nia knaar fatin Bidau, 01/02

Diretor Higino informa katak governu sei tau fos importasaun, tanba produtu rai laran menus, maibé tuir Higino di’ak liu mak tau importánsia ba ita nia produtu rai laran, nune’e bele fo kapasitasaun ba agrikultor sira, nune’e bele serbisu makaas liu tan.

Nia dehan tuir kapasidade kompania ACELDA ba fos rai kada tinan, bele sosa 300 to’o 400  toneladas no la hola fos importasaun tanba misaun durante ne’e foka liu ba produtu lokal.

Print Friendly, PDF & Email

LEAVE A REPLY

Please enter your comment!
Please enter your name here