Home Notisia KOICA Apoiu Ekipamentus COVID-19 nian Ba SEPS, Kim: Prezente Hosi Korea...

KOICA Apoiu Ekipamentus COVID-19 nian Ba SEPS, Kim: Prezente Hosi Korea Haforsa Liutan Amizade

237
0
KOICA entrega ekipamentu COVID-19 ba SEPS.[Foto: Santina Lucia da Costa | 28.10.2020]

Reportazen Santina Lucia da Costa

Korea Internasional Cooperation Agency (KOICA)  oferese ekipamentus prevensaun  COVID-19 nia ba Sekretariu Estadu Protesaun Sivil (SEPS), hodi apoiu serbisu protesaun sivil.

Iha serimonia entrega ekipamentus, Sekretariu Estadu Protesaun Sivil (SEPS), Joaquim Jose Gusmão dos Reis Martins kooperasaun entre KOICA no Cruz Vermelha Timor-Leste (CVTL) nudar pasu importante no sei fahe ba funsionariu iha diresaun sira hodi bele proteje-an no salva ema seluk”, dehan Sekretariu Estadu Juaquim, iha Kaikoli, 28/10.

Joaquim Jose Gusmão hateten Timor-Leste rezistu kazu COVID-19 ne’e kuaze kazu importadu, mais ita nia governu kontinua halo politika ne’ebe mak iha, hodi satan netik COVID-19, atu labele tama no espalha iha Timor-Leste.

nia haktuir agora dadaun sidadaun la kumpri ona protokolu Ministeriu Saude nian konaba fase liman o sabaun, uza maskra no halo distansia fiziku, idak-idak tenke iha konsiensia proteje-an, nune’e livre nafatin hosi virus Corona.  

Iha fatin hanesan Country Director KOICA, Kim Sikhyon hateten ekipamentus sira ne’e importante tebes, tanba  atu kontra virus Corona,  presiza ekipamentus ne’ebe di’ak para salva liu-liu ba sira ne’ebe mak linha Frente no orsamentu ba hola ekipamentu hamutuk $50.000 dollar Amerikanu.

Nia dehan Timor-Leste sorti tebes tanba kazu ba COVID-19 la barak, tanba ne’e presiza prepara didi’ak, dalaruma dehan kazu laiha moris ho livre, maibe kazu mos bele mosu.

“Estadu Emerjensia ne’e mos dalaruma sei kontinua tanba ne’e mak KOICA sei mantein pozisaun para bele konitnua apoiu  no mos konaba apoiu dezenvolvimentu iha area desportu no edukasaun”, hateten Kim

Kim dehan apoiu ida ne’e nudar prezente hosi Korea hodi haforsa diak liutan amizade entre nasaun rua, hodi luta hasoru COVID-19 iha tempu tuir mai.

Entretantu tipu ekipamentus COVID-19 mak hanesan Face Mask N95 hamutuk 100, Hand Sanitizers (100ml)  hamutuk 1000, glass 150, shoes 500, Corps body bag 100, Infrared temperature gun 50, Coverall with hoods 525 no Face Shield 150.

Print Friendly, PDF & Email

LEAVE A REPLY

Please enter your comment!
Please enter your name here