Reportajen Umbelina dos Reis
Konsellu Imprensa (KI) realiza Konférensia Internasionál, The Dili Dialogue Forum ho tema “Promove no Haforsa Liberdade Imprensa iha Sudeste Asiátiku Nu’udar Empurador ba Tipu Direitu Umanus Hotu.” Objetivu hosi diálogu ne’e oinsá proteje no promove hodi haforsa liberdade imprensa no liberdade expresaun iha sudeste Aszátiku.
Sekretariu Estadu ba Komunikasaun Sosial (SEKOMS), Expedito “Loro” Dias hateten, SEKOMS fó felisitasaun ba Konsellu Imprensa tanba realiza dala ida tan Konférensia Internasional The Dili Dialogue Forum, maske Timor-Leste seidauk sai membru ASEAN, maibé hahú hosi tinan 2016 Konsellu Imprensa sempre envolve aan iha eventu média nian iha ASEAN.
“Atu promove no haforsa liberdade imprensa iha Sudeste Aziátiku nu’udar empurrador ba tipu Direitu Umanus hotu, konférensia internasional ne’e importante tebes tanba diskusaun entre rejional, no labele haree ba ita nia nasaun ki’ik, no labele define ba polítika nasional, tanba dadaun ne’e iha mundu global”, Dehan Sekretariu Estadu Komunikasaun Sosial (SEKOMS), Expedito “Loro” Dias, liu hosi nia diskursu, iha salaun Laline Larigutu CNE, sesta-feira, 01/09.
Nune’e husu ba IX governu tenki tau importansia ba komunikasaun sosial no liberdade imprensa atu luta ba liberdade espresaun, direitu ba ema hotu. Tanba prioridade Timor-Leste independente ona no ohin loron nafatin akordu hosi governu internasional, ne’ebé depende direitus umanus hodi garante ba liberdade imprensa no liberdade expresaun.
Entretantu eventu refere partisipa hosi membru Governu, Estudante Universidade Nasional Timor-Lorosa’e (UNTL), no Universidade Oriental Timor Lorosa’e (UNITAL), média no entidades sira seluk, ba eventu refere orador nasional na’in ne’en (6) no orador Internasional na’in tolu (3).
