Home Saude COVID-19, Sei Limita Vizitante Sira Mai Vizita Pasientes Iha HNGV

COVID-19, Sei Limita Vizitante Sira Mai Vizita Pasientes Iha HNGV

594
0
Xefe Gabinete Kontrolu Kualidade Komunikasain Sosiál, Sara Maria F. Xavier. [Foto: David da Costa | 16.02.2021]

Relasiona ho pandemia COVID-19 ne’ebe ameasa hela Timor-Leste ho numeru kazu ativu sae 39, Hospitál Nasionál Gidu Valadadres (HNGV) kria regras hodi halo limitasaun ba familia moras sira atu ba  vizita kada loron ida, vizita dala ida hahu husi  11:00 to’o oras 14:00.

Xefe Gabinete Kontrolu Kualidade Komunikasaun Sosiál, Sara Maria F. Xavier, husu ba maluk vizitante ka familia moras sira ne’ebe mak mai vizta moras iha HNGV tenke uza masakara, fase liman molok tama no halo distansia sosiál.

Nia dehan atu asegura distansia fiziku no limita vizitante, fó oras vizita ba familia moras sira dala ida deit, hahu husi oras 11:00 to’o 14:00 Otl, hodi bele prevene-an hosi virus COVID-19.

“Ami nafatin husu ba familia pasiente sira lalika mai barak iha HNGV, pasiente ida ami autoriza ema familia ida mak hein, atu nune bele asegura prevensaun infeksaun ba pasiente ne’e rasik, dalaruma pasiente atu deskansa maibe familia sira mai barak halo barullu pasiente labele deskansa ho diak”, dehan Sara Maria iha HNGV, 16/02.

Nia haktuir tan laiha ema ida ka familia ida mak sei fuma sigaru, hemu tua, lori tudik ka katana no surik iha areador HNGV nian no la-autorisa mos lori labarik ho idade 12 anos mai kraik ba HNGV.

Print Friendly, PDF & Email

LEAVE A REPLY

Please enter your comment!
Please enter your name here