Reportajen David da Costa Gusmao
Ministériu Asuntu Parlamentár komunikasaun Sosiál (MAPKOMS), liuhosi Diresaun Nasionál Promosaun no Dezenvolvimentu dos Media Lokais (DNPDLDNL), fo formasaun ba jornalista rádiu privadu, rádiu akadémika no rádiu komunidade sira konaba Utilizasaun software no Live Report iha Rádiu hodi hasae kualidade informasaun iha rádiu.
Objetivu hosi formasaun ida ne’e, oinsá jornalista hosi radio sira atu utiliza Software no Live Report iha Rádiu komunidade, rádiu akadémika no radiu privadu sira, bainhira halo serbisu jornalista nian hodi uza teknolojia ne’ebe avansadu hodi halo reportajen direta ba rádiu iha téreinu.
Diretór Jerál Ministériu Asuntu Parlamentár komunikasaun Sosiál (MAPKOMS), Fonsiano da Cruz Leite, informa, MAPKOMS liuhosi DNPDNL atu ajuda jornalista rádiu nian atu bele adapta ho teknolojia ne’ebe avansadu, no oinsá atu utiliza ekipamentu hot-hotu iha Software, hodi bele halo tranzmisaun direta, tanba ho teknolojia avansadu sira ne’e importante tebes ba jornalista sira atu habelar koñesimentu hodi reforsa jornalista rádiu sira atu bele halo live report.
“Liuhosi formasaun ita bele adapta ho teknolojia ne’ebé avansadu ita bele transmite infromasaun ne’ebé diak, lais no kredibel. Ho ida ne’e Husu ba kolega jornalista sira ne’ebe disponivel no partseipa iha formasaun ne’e, rona didiak saida mak orador sira koalia atu nune’e imi bele aprende buat foun husi formasaun ne’e,” dehan Diretór Jerál MAPKOMS, iha salaun hotel JL Vila Fatuhada, Kuarta 6/04.
Iha fatin hanesan Diretór Diresaun Nasionál Promosaun e Dezenvolvimentu dos Media Lokais (DNPDLDNL), José da Costa hateten ohin loron mundu modernu no teknolojia avansadu ne’ebe tenke adapta ho sistema sira ne’e. Ho ida ne’e hosi formasaun ne’e ba jornalista sira hosi rádiu sira bele utiliza Software No Live Report iha Rádiu sira, tanba ohin loron ema ba ona iha youtube ba ona pot cast, karik iha software seluk ne’ebe ezije orsida oradór sira ne’ebé iha esperiénsia bele fahe ba partisipante sira.
Nia salienta maski ema balun hetan ona matéria sira hanesan software no live report, iha rádiu maibé iha media balun foin moris bele fahe mós matéria software no live report iha rádiu ba sira atu bele reforsa tan sira nia koñesimentu iha area refere.
“Rádiu sira ne’ebe foin moris ita bele fahe mos ba sira, tanba esperiénsia lubuk ida ne’ebe ita lao iha radiu komunidade, hanesan iha eventu 28 Novembru no eventu sira seluk, ami lao iha ne’eba, entaun jornalista radiu komunidade atu live repot direta ba eventu sira ne’e maibe sira la hatene, entaun ho intensaun hosi formasaun ne’e ita atu reforsa tan sira nia koñesimentu sira iha software no live report iha rádiu ,” nia esplika.
Entertantu iha formasaun ne’e duarnte loron rua no paretesipasaun ba formasaun ne’e mai hosi rádiu komunidade, rádiu privadu no rádiu akademika.
