Reportajen David da Costa Gusmao
Estrutura tomak hosi ekipa Marka Deferénsia Dili (EMDD), Lere Anan Timor nian iha munisípiu Dili, deklara katak hodi fó apoiu ba kandidatu Prezidente Repúblika (PR), Dr. Francisco Guterres Lú Olo iha segunda volta, no sei serbisu makaas atu bele fó vitória ba kandidatu Lú Olo iha eleisaun loron 19 Abríl.
“Ami husi ekipa Segredu Surpreza Dili, kompostu husi Posto 4 iha Munisípiu Dili mak hanesan Posto Cristo Rei, Nain Feto, Vera Cruz no Metinaru. Ekipa Segredo Supreza Dili nu’udar ekipa ida ne’ebé maka involve a’an iha ekipa susesu LAT iha Munisípiu Dili iha eleisaun primeiru rounde ba períodu 2022-2027. hola desizaun konjunta atu fo votus konfiansa ba kandidatu prezidente da Republika Lú-Olo, iha eleisaun segundu rounde ne’ebe mak sei akontese iha loron 19 Abríl 2022, no sei serbisu makaas hodi fó vitoria ba kandidatu ne’e” Dehan porta Voz ekipa Marka Deferénsia Dili (EMDD) LAT iha Munisipiu Dili, Virgilio F. Ximenes liuhosi Komperensia Imprensa iha Luz Clarita Formosa, Kuarta 6/04.
Nia haktuir ekipa Segredu Supreza Dili husi Posto 4 iha Municipio Dili ho razaun fo votus ba kandidatu Lu Olo, tanba nia nu’udar kandidatu ida ne’ebe mak tane a’as Konstituisaun RDTL, no nia kandidatu ida ne’ebe mak hametin unidade nasional, estabilidade no paz iha Timor-Leste.
“Kandidatu ne’e hanesan lider ida ne’ebe sempre promove dialogu, garantia funsionamentu órgaun estado sira seluk no lider ida ne’ebe mos no kontra korrupsaun, no lider ida hakotu impase politika iha ita nia rain,” salienta nia.
Ho ida ne’e ekipa Segredo supreza Dili sei la fo votus ba kandidatu Presidente da Republika ne’ebe mak sei ba dizolve Parlamentu Nasional no hamonu governu.
“Ami konsidera deklarasaun públiku ida hanesan ne’e la respeito separasaun poderes orgaun soberanu sira ne’ebe ezisti iha ita nia rain, no deklarasuan públiku ida ne’e hakarak hanaruk krize politika iha ita nia rain ne’ebe sei rezulta povu mak sai vitima,” tenik nia.
Ekipa Segredo Supreza Dili iha Municipio Dili mai husi koor partidu oin-oin mak hanesan Partidu FRETILIN, PLP, KHUNTO, CNRT, PD, Os Verdes, no mos organizasaun da massa mak hanesan Asosiasaun Movimento Maubere Oan (AMMO), Movimentu Juventude Dezempregu, Movimentu Juventude Independente, Movimentu Juventude Diferente hamutuk ho organizasaun rezisténsia mak hanesan Caixa Unidade no Caixa Uniaun.
Tanba ne’e rezultadu votus iha eleisaun premeiru ronde ba kandidatura LAT iha di 19 Marsu 2022 iha Posto Cristo Rei, ho total votante hamutuk 3.396 votus. Posto Nain Feto ho total votante hamutuk 950 votus. Posto Vera Cruz ho total votante hamutuk 1.355 votus. Posto Metinaro ho total votante hamutuk 291 votus.
“Total votus husi Posto 4 iha Municipio Dili hamutuk 5.992 votus. Husi total votus ida ne’e mak ami sei fo hotu ba kandidatu Prezidente, Dr.Francisco Guterres Lú-Olo iha eleisaun segundu rounde,” nia esplika.
