Home Saude Programa Liga Inan Liuhusi SMS, Ajuda Hamenus Taxa Mortalidade Inan

Programa Liga Inan Liuhusi SMS, Ajuda Hamenus Taxa Mortalidade Inan

219
0
Imajen fen ho laen iha programa Liga Inan. [Foto: Media CATAPLA | 06.04.2022]

Reportajen Zevonia Vieira

Loron Mundiál saúde nian marka prestasaun importante ida ba saúde inan nian, ho inan isin-rua hamutuk nain 100,000, ne’ebé agora rejistu ona iha programa Liga Inan ne’ebé hasae ho duplu prosesu partu ho asistensia husi pesoál saúde treinadu.

Programa Liga Inan, uza telemovel: mensajen (SMS) no bolu husi pesoál saúde atu fornese informasaun saúde no enkoraja inan isin-rua atu partu ho asisténsia pesoál saúde.

Liuhusi komunikadu imprensa ne’ebe Neon Metin asesu Diretór Saúde Catalpa International, Gabriela Leite Soares hateten buat diak husi programa Liga Inan ne’e tanba nia simples tebes. 

“Hafoin vizita antenatais/konsulta isin-rua ba dahuluk (K1), inan isin-rua sira ne’ebé rejistu ona hahú simu mensajen dala rua iha semana ida nia laran ho informasaun importante hanesan oinsa atu rekoñese sinal perigu durante isin-rua no depois de partu. Inan sira mos simu avizu hodi fo hanoin atu ba konsulta regulár atu nune’e pesoal saúde bele ajuda monitór sira no sira-nia bebé nian saúde durante isin-rua no depois de partu.” Dehan Gabriela, 06/04

Nia hatutan tan objetivu husi ida-ne’e mak atu hamenus bareira barak ne’ebé mak inan isin-rua sira enfrenta wainhira atu asesu ba fasilidade saúde.

“Falta asesu ba transporte, kondisaun estrada ne’ebé ladi’ak liu-liu durante tempu udan, no menus konfiansa ba ita-nian sistema saúde, no ba família sira ne’ebé iha oan ona dala barak iha preokupasaun kona-ba se mak sei hare sira-nian oan wainhira sira ba tiha ospitál.” Dehan nia

Komunikasaun telemovel no kustu ne’ebé efetivu haforsa relasaun entre inan-aman ho sira-nia profisionál saúde lokál sira. Ida ne’e fó konfiansa ba família sira kona-ba informasaun saúde no koñesimentu kona-ba apoiu ne’ebé disponivel.

Iha parte hanesan Xefe Departement Saude Inan no Oan, Agusta Amaral Lopes liuhusi komunikadu imprensa dehan liga inan kontribui makaas ba ita nia nasaun, atu hadi’a taxa mortalidade no morbidade inan no oan iha Timor-Leste.

“Ita  halo ona progresu pozitivu barak iha area ne’e desde independénsia, maibé asesu no utilizasaun ba kuidadu saúde durante isin-rua no partu sai nafatin problema boot. Ita hakarak asegura katak inan no oan sira bele moris saúdavel. La iha feto ida mak tenke mate bainhira tuur-ahi. Liga inan ajuda atu fasilita servisu saúde, salva inan no sira-nia oan nian moris. ” dehan Agusta

funsionariu saude esplika hela oinsa uza telemovel hodi manda SMS ba ekipa saude. [Foto: Media Catapla | 06.04.2022]

Hanoin hanesan husi Ofisial Senior nian iha Embaixada Australia, Julia Magno tanba iha nia kontinuasaun rezultadu, ami sente orgullu atu apoia espansaun Liga Inan nian iha nivel Nasionál hodi asegura katak inan no família Timoroan hotu-hotu bele hetan benefísiu – maski sira hela iha área urbana ka rurál.

“Ita komesa implementa programa ne’e iha munisípiu ida deit iha 2013, to’o ohin loron Liga Inan implementa ona iha Timor-Leste tomak no sai nudar programa Ministériu Saúde nian .” dehan Julia

Nune’e Diretor Programa ba HAMNASA (ne’ebe uluk hanaran HAI) mos hateten laos de’it Liga Inan suporta moris ne’ebé seguru liu, maibé mós apoia jerasaun tuirmai ho inísiu ne’ebé di’ak ba moris. 

Família sira ne’ebé rejistu ba Liga Inan iha posibilidade dala lima liu atu atende akompañamentu kuidadu saúde hafoin sira-nia bebé moris.

Print Friendly, PDF & Email

LEAVE A REPLY

Please enter your comment!
Please enter your name here