Reportajen David da Costa
Kompania pelican Paradise ne’ebé maka atu harii Otél Fitun-Liman iha suku Tibar, Postu Administrativu Bazartete, Munisípiu Liquiça lala’o tanba governu maka demora tanba la halo nia parte, hodi dada eletrisidade no bee ba iha fatin refere, ho ida ne’e maka konstrusaun ba Otél fitun-liman ne’e lala’o.
Presidente Repúblika (PR), Dr. José Ramos-Horta, hateten, projetu pelican Paradise lala’o tanba problema governu maka demora ne’e maka projetu nee la’o Pelican Paradise lala’o ne’e. Kompañia sira kleur ona husu ba governu buat rua, tuir kontratu ho governu maka atu dada eletrisidade no bee ba iha fatin konstrusaun ne’e.
Tanba governu maka tenke haree eletrisidade tau iha ne’ebá, Kompania selu eletrisidade maibé dada fiu buat sira ne’e governu nia reponsabilidade i dada bee ba ne’ebá, maibé to’o agora laiha reasaun husi governu.
“Iha mundu no iha rai hotu-hotu nune’e, governu responsabiliza ba infraestrutura ne’ebé presiza ba fatin no projeitu sira ne’e. Rai iha tiha ona, Eletrisidade i bee, Kinta-Feira hau husu karik maun bo’ot Xanana mai hau hateten,”dehan Presidente Repúblika José Ramos-Horta, ba jornalista sira iha Palásiu Prezidensiál Bairo-Pite, segundu 23/10.
Nia haktuir, Kompania halo Pedidu dala barak ona, maibé membru governu la responde, laos agora ida agora ne’e maibé governu anteriór tanba agora ne’e governu foun, sei haree tok para bele resolve, maibé balun la’o daduk ona.
“Demora prosesu kontrusaun, depois dun fali ba iha investedór maka demora, governu maka demora la halo nia parte, iha akordu governu halo ida, ami halo ida ne’e, portantu ne’e maka iha kontratu ne’e hateten,” nia esplika.
