Home Notisia Akara: Uza Plataforma Dijital Hodi Lansa Lia Falsu, Sei Sai Hanesan Veneno

Akara: Uza Plataforma Dijital Hodi Lansa Lia Falsu, Sei Sai Hanesan Veneno

310
0
SEKOMS Mericio Juvenal dos Reis Akara. [Foto: Santina Lucia da Costa | 08.10.2020]

Reportazen Santina Lucia da Costa

Liu hosi selebrasaun loron mundial labarik feto ne’ebe organiza hosi Plan International serbisu hamutuk ho Sekretariu Estadu Iguladade Inkluzaun (SEII) no Komisaria Direitu ba Labarik ho tema, “Liberdade utilizasaun media online ba labarik sira, nune’e iha pozitivu mak oinsa ganha matenek, Esperiensia no bele halo atividade ekonomia negosiu online.

Iha seminariu refere Sekretariu Estadu Komunikasaun Sosial (SEKOMS), Mericio Juvenal dos Reis Akara hateten direitu ba labarik feto sira hanesan ho sidadaaun sira seluk, no sei la husik ema ida iha kotuk.

Sekretariu Estadu Mericio Akara dehan iha era dijital, nudar kultura foun ida ne’ebe mundu infrenta, Tinan 5-10 tuir mai posibilidade boot ita sei husik ita nia kultura konvensional sira, ita nia meius konvensional sira hodi tama iha kultura foun, kultura dijital ita sei uza plataforma online sira hotu hodi komunikasaun ba malu hodi halo interasaun.

Mericio Akara hatutan, Iha posibilidade ba oin ita la presija vizita malu, ita la presija hasoru malu direita, tanba kultrura foun dijital ita bele halo komunikasaun iha fatin ne’ebe de’it. Nia pozitivu ba mundu katak, halo fasil ita nia serbisu lalika gasta tempu tan buka malu no hasoru malu, pozitivu barak mak ita sei aproveita.

“Hanesan governu haree ida ne’e oportunidade ita tenki prepara ita nia sidadaun hotu-hotu liuliu labarik feto sira, bainhira ita tama iha kultura foun, ita prontu, ita aproveita parte pozitivu hodi dezenvolve ita nia rain. Dalaruma ita uza sala, se plataforma online ne’e la kuidadu bele mos lori parte negativu mai ita, kultura foun ne’e bele mos estraga ita, nu’udar inimigu bele mos nu’udar nasaun”, dehan Mericio Akara.

Akara hateten governu tau atensaun maka’as los oinsa tinan 5-10 mai ne’e infrenta kultura foun ida ne’e, ne’ebe fenomena sosial ne’ebe akontese iha ita nia rain maka, ita uza plataforma online, plataforma dijital, hodi hatun malu, hodi diskritika malu, tolok malu, depois posting informasaun la los, lansa hoax no lia falsu. Ida ne’e se ita la kuidadu sai hanesan veneno ba ita, sa tan labarik feto sira.

Nia dehan governu iha komitmentu hadia aspetu legal maibe SEKOMS hanoin legal de’it labele rezolve buat hotu, “ami hanoin tenki avansa ho edukasaun sivika no mos promove internet saudavel”.

LEAVE A REPLY

Please enter your comment!
Please enter your name here