Home Notisia Plan: Iha Timor Eziste Violensia Online, Labarik Feto Barak Hetan Abuzu Sexual

Plan: Iha Timor Eziste Violensia Online, Labarik Feto Barak Hetan Abuzu Sexual

1065
0
Country Director Plan International Diliyana Ximenes. [Foto: Juliaun | 08.10.2020]

Reportazen Francisco JDA

Plan International halo ona peskiza iha nasaun 22 no koalia ho labarik feto hamutuk rihun 14, ho objetivu atu husu ba labarik feto sira, saida mak sira sente no hetan wainhira uza social media.

Tuir dadus ne’ebe Plan halo hatudu katak  iha 58% hateten ba Plan International,  sira sente hetan violénsia online no abuzu harassment wainhira sira uja social media.

Iha loron selebresaun loron mundial labarik feto, ne’ebe organiza hosi Plan Internationl serbisu hamutuk ho Sekretariu Estadu Igualdade no Inkluzaun (SEII) no Komisaun Direitu Labarik iha otel Novo Turismo, iha loron 08/10 ho tema Freedom Online,  nune’e fo liberdade ba maluk feto sira hodi asesu social media maibé laos ho violénsia online.

Country Director Plan International Diliyana Ximenes ba jornalista sira hateten, iha Timor mos existe violensia online hanesan iha facebook, labarik feto sira barak hetan abuzu sexual ou  harassment, Plan International presiza halo peskiza global liga ho kondisaun Timor, no kampnaha ida ne’e sei kontinua nafatin, hodi bele hetan asinatura komitmentu hosi ema hotu, nune’e bele hatoo ba kompania media sosial hanesan facebook, twitter instagram no tiktok atu nune’e sira bele  kria mekanizmu  relatóriu rigorous.

Country Director Plan Internasional dehan serbisu ida ne’e sei naruk, bele halo advokasia bazeia ba evidénsia ne’ebe mak iha ,para nain ulun sira bele kria lei, hodi autór sira hetan kastigu ba sira nia aktu propiu.

Iha Fatin hanesan Diretor Geral SEII, Armando da Costa ba jornalista sira hatete, loron mundiál labarik feto atividade importante ba tinan ida ne’e mak liberdade utuliza media online labarik feto sira, iha mos parte positivu katak iha espasu ba labarik feto sira, utuliza media sosial sira nune’e bele ganha matenek no atividade ekonómika no mos negósiu online maibé iha mos nia risku tanba ema bele utuliza sala no sai vítima hosi labarik feto sira

“SEII serbisu hamutuk ho Plan Internationál, nune’e ho media nasionál atu bele hare iha futuru bele halo peskiza ida, hodi bele identifika lolos situasaun ne’e, se kazu mosu tanba utuliza sala media online, hosi ne’eba ita bele hare posibilidade sira atu bele trasa fali programa sira ne’ebe bele responde, hodi bele solusiona problema ne’ebe hasoru hosi labarik feto sira iha media online”, hatete Diretor Geral SEII, Armando da Costa

Dadus hosi Plan Internasional hatudu katak feto sira sai target ba online, tanba deit sira klosan no feto, no karik sira maka hanesan ema ne’ebe koalia politika, aleizadu ou identidade hanesan grupu trans gender, ida ne’e sei sai aat liu.

Asedio hamosu liu hosi ita nia opiniaun, ameasa ho forsa, to’o mos hetan foto pornografia ne’ebe maki ta la hakarak. Peskiza hosi Plan nian hatetetn feto 59% hetan ona esperiensia asedio liu hosi online, 24% entre ida hosi feto nain 4 maka hetan onaasedio no fizikalmente sente la seguru.

42% feto lakon konfiansa ba sira nia aan, 42% sente mentalmente ou emosional estess no 18% hetan problema iha eskola.

50% hosi jovem feto sira ne’ebe mak identifika sira nia aan hosi minoria etnika ne’ebe mak hetan ona asedio no sira hasoru tanba ida ne’e.

Feto 42% be’ebe makidentifika sira nia aan hanesan Lesbian, Gaym Bisex and Trans Gender hasoru ona asedio. Platforma ida nee barak liu iha facebook 39% no Instagram 23%. Asedio online mosu ba jovem feto sira ho idade komesa hosi 8 no maioria hosi feto sira hasoru uluk mak hosi idade 14-16.

LEAVE A REPLY

Please enter your comment!
Please enter your name here