Home Notisia KI Organiza The Dili Dialogue Forum: Diskusaun Foka Ba Papél Media Asegura...

KI Organiza The Dili Dialogue Forum: Diskusaun Foka Ba Papél Media Asegura Direitu Umanus

1335
0
KI organiza DDF 2023. [Foto: Racom Mauloko Maubisse | 01.09.2023]

Reportajen Filomena da Conceicao

Presidente Konsellu Imprensa, Otelio ote, hateten Konsellu Imprensa realiza Konferénsia Internasionál The Dili Dialogue Forum ho tema “promove no haforsa Liberdade Imprensa Iha Sudeste Asiátiku nu’udar Empurradór ba Tipu Direitus Umanus Hotu tanba tema refere nu’udar tema mundiál ba Diretus Umanus.

Tanba The Dili Dialogue Forum konsideradu husi membru Konsellu Imprensa, husi nasaun sira iha Sudeste Asiátiku ba Pasífiku no parseiru sira, durante komferénsia internasionál ida iha Dili bainhira selebra konsellu Imprensa nia aniversariu ba dala uluk iha loron 7 to’o 10 fulan  Maio tinan 2017.

Hahú husi ne’ebá the Díli  Dialogue Forum sai atividade anual ba konsellu Imprensa, ne’ebé sai forum ida hodi ema diskute kona-ba liberdade Imprensa no Liberdade Espresaun iha Nivel doméstiku no rejioná.

“Tinan ida ne’e, ita holi topiku The Dili Dialogue Forum 2023 nian mak promove, no haforsa Liberdade Imprensa Iha Sudeste Asiátiku nu’udar Empurradór ba Tipu Direitus Umanus tanba topiku ne’e bazeia ba tema mundiál selebrasaun loron mundiál liberdade Imprensa iha New York, ne’ebé ko’alia kona-ba estabelese futuru deirtu Umanus” dehan Presidente Konsellu Imprensa, Otelio Ote iha salaun CNE Lalini Larigutu, sexta 01/09.

Nia haktuir, komunikasaun Sosiál ka Média iha Timor-Leste, iha pozisaun ne’ebé loos, no média kontinua hamrik metin, laiha diferensa iha era tempu Portugés, Indonesia no Restaura Independésia.

Tanba ne’e, KI  nu’udar orgaun reguladora ne’ebé iha planu estratéjia 2021 to’o 2026 hatuur ona kumorisiu balun atu kontinua tau matan ba kapasidade téknika no Profisional intelektual Jornalista sira, servisu hamutuk ho parseiru Nasionál no Internasionál.

Entretantu, tuir dadus,  Konsellu Imprensa rezistu jornál hamutuk 7, Radio 29, televizaun 5 no media online 17, Aleinde ne’e Jornalista hamutuk 321 mak hetan ona kartaun Profisional.

Print Friendly, PDF & Email

LEAVE A REPLY

Please enter your comment!
Please enter your name here