Home Notisia Vice-PPN Angelina: PPN Rasik Viola Artigu 16 (b) Sobre Destituisaun

Vice-PPN Angelina: PPN Rasik Viola Artigu 16 (b) Sobre Destituisaun

787
0
Vice PPN Angelina Sarmento. [Foto: Zevonia Vieira | 18.05.2020]

Reportazen Zevonia Vieira

Relasiona ho plenaria ba loron 18 Maiu ne’ebe mak la lao no bankada CNRT halo asaun hodi sae ba meja Parlamentu Nasional hodi “Asegura” meja Prezidente Parlamentu Nasional, atu nune Vice Prezidente Parlamentu Nasional (Vice-PPN) labele derize plenaria.

Neon Metin halo konfirmasaun ba Vice Prezidente Parlamentu Nasional, Angelina Sarmento konaba deklarasaun hosi Prezidente Parlamentu Nasional (PPN) Arao Noe ne’ebe hateten Vice-PPN iha tentantiva atu hadau poder PPN nian.

Ba Neon Metin Vice-PPN, Angelina Sarmantu esplika katak Prezidente Parlamentu rasik viola ona artigu 16 (b) sobre destituisaun, ne’ebe dehan loron 5 Prezidente iha obrigasaun tenke ajenda no konvoka lider bankada hodi consensus para lori ajenda ida ne’e mai debate iha plenaria.

“Kuandu Prezidente la konvoka plenaria dala tolu ona siginifika Prezidente iha impedimentu. Deputadu sira dehan iha estadu emerjensia lider bankada sira desidi ona plenaria halao semana ida dala ida deit”, esplika Vice-PPN iha Parlamentu Nasional 18/05.

Angelina Sarmento hatutan iha artigu 7 sobre Lei do Estadu Emerjensia neebe deputadu sira aprova dehan katak,  “imbora ita lao ho estadu emerjensia maibe regras Konsituisional kontinua aplika inklui funsionamentu orgaun soberania sira lao normal, ne’e signifika estadu emerjensia la implika ba orgaun soberanu haat no nia funsaun atu lao normal nafatin.

Liu hosi konferensia imprensa PPN Arao Noe deklara katak iha tentativu hadau Prezidente Parlamentu nia poder ne’ebe halo hosi Vice Prezidente Parlamentu Nasional, Maria Angelina Lopes Sarmento.

Liu hosi deklarasaun PPN Nian hateten katak aktu sira ne’ebe konsidera nudar tentaivu hadau poder mak hanesan iha loron 13 Maiu 2020 bankada FRETILIN, PLP no KHNTO dirije rekerimentu distituisaun PPN ba fali Vise PPN. Tuir PPN Arao katak aktu ida ne’e viola KRDTL artigu 99 (3), Rejimentu PN artigu 17 konaba kompetensia PPN.

Print Friendly, PDF & Email

LEAVE A REPLY

Please enter your comment!
Please enter your name here