Home Notisia UNDP Lansa RDU 2019, TL nia Valor Iha IDU Mak 0,626 Ba...

UNDP Lansa RDU 2019, TL nia Valor Iha IDU Mak 0,626 Ba Tinan 2018

219
0
MEKAE hamutuk ho UNDP lansa relatiru Dezenvolvimentu Umanu. [Foto: Francisco JDA | 04.02.2020]

Reportazen Francisco JDA

UNDP lansa Relatorio Desenvolvimentu Umanu [RDU] 2019 ho konseitu moris diak no fator hotu ne’ebe kontribui ba bens estar saude, edukasaun no moris diak.

Indise Dezenvolvimentu Umanu [IDU] nudar sasukat sumaru ida, hodi avalia pregresu longu-prazu tuir dimensaun baziku tolu, hosi dezenvolvimentu umanu hanesan mois naruk no saudavel, asesu ba konnesementu no padraun moris desente.

Ministru Estadu no Koordenador ba Asumtu Ekonomia [MEKAE], Fidelis Manuel Leite Magalhaes  informa ba jornalista sira hafoin partisipa iha lansamentu livru annual UNDP nian katal, hosi relatorio ne’e laos hare deit ba ponto ida deit, maibe akumula hotu ba konseitu moris diak ba fator sira ne’ebe kontribui ba bens estar, hosi relatorio ne’e Timor Leste iha desenvolvimentu umanu iha nivel mediu

“Presiza hadia liu tan seitores sira hanesan edukasaun no saude, atu nune’e bele kontribui ba iha dezenvolvimentu ida ne’ebe mak foku liu ba iha ema nia moris diak”, tenik Ministro Mecae Fidelis, iha Hotel Novo Turizmu Bidau Lecidere, 04/02.

Fidelis hatutan sidadaun hotu iha liberdade ba moris, hare hosi komponente edukasaun, saude no Infraestrutura baziku hirak ne’e hotu, sei kontribui ba moris diak ema nian, maibe rekoinese katak sei iha dezafius ba sosiedade no nasaun ne’ebe infrenta hela.

Iha fatin hanesan Presidente Rede Feto, Judite Dias Ximenes iha diskusaun hateten hare ba relatoriu Desenvolvimentu Umanu Timor-Leste, nia problema mak feto no labarik sempre sai vitima ba buat hotu.

“Kada tinan investe OJE  ba moris diak,  atu bele iha saude ne’ebe diak, maibe  realidade hatudu katak saude mortalidade inan ho oan kontinua as iha rejiaun, maske koko hodi redus oituan”, dehan Judite.

Judith hatutan produsaun familia no rendimentu kontinua sai bareira boot ba familia, maske Planu Dezenvolvimentu Estratejiku 2030, partidu sira hadau malu kada tinan liman, nune’e iha indikador ba dezenvolvimentu maibe la uza ho diak.

Tuir relatoriu Dezenvolvimentu Umanu 2019 katak Timor-Leste nia valor no pozisaun Indise Dezenvolvimentu Umanu ba 2018 mak 0,626, ne’ebe tau nasaun ne’e iha kategoria dezenvolvimentu umanu mediu, ho nia pozisaun iha numeru 131 hosi nasaun no teritoriu 189.

Entre 2000 no 2018, Timor-Leste nia valor  Indise Dezenvolvimentu Humanu sae hosi 0.505 to’o 0,626, aumenta porsentu 23,8.

LEAVE A REPLY

Please enter your comment!
Please enter your name here