Home Notisia CNJTL: EA Sei La Fo Solusaun, Pozisaun CNJTL Mak Opta Governu Inkluzaun

CNJTL: EA Sei La Fo Solusaun, Pozisaun CNJTL Mak Opta Governu Inkluzaun

947
0
CNJTL sira halo entrevista ho jornalista sira iha palacio prezidensia. [Foto: Santina Lucia da Costa | 04.02.2020]

Reportazen Santina Lucia da Costa 

Situasaun politik rai laran halo Prezidente da Republika, Dr. Francisco Guterres Lu Olo kontinua konvoka dialogu ho entidade sira. Iha loron 04/02 Prezidente da Republika konvida Conselho Nasional Juventude Timor-Leste [CNJTL], hodi husu sira nia hanoin.

Hafoin remata enkontru Prezidente CNJTL, Dadi Soares Magno ba jornalista sira hateten CNJTL nia pozisaun atu responde dialogu ba problema ne’ebe akontese. Ho hanoin ida ne’ebé mak consensus katak sei hamosu plataforma ne’ebé maka sei hamosu politiku koligasaun foun ne’ebé mais reprezentativu no ne’ebé mak ho pozisaun wainihira desizaun atu opta ba governu inkluzaun.

 Situasaun real ne’ebé ita hatene katak Parlamentu rasik rezeita ka sumba OJE 2020, afeita ne’ebé nia efeitu boot tebes liga ba politiku rasik no liga liu maka asuntu ekonomia, ita liga ba asuntu ekonomia, iha pilares 3 ne’ebé mak importante atu dudu ita nia ekonomia ba oin, ida mak konsideta setór publiku, setór privadu no koperativas ne’e rasik no setór 3 ne’e depende ba OJE”, hateten Dadi Magno.

Prezidente CNJTL  hatutan ho situasaun hirak ne’e mak CNJTL afirma nia pozisaun katak, modalidade hira ne’ebé maka haree ba parte Konstituisaun legalmente, “se koalia konaba eleisaun antesipada hau hanoin ne’e laos tempu, dalan ka solusaun ne’ebé ideal liu ba kontextu atual. Pozisaun CNJTL nian sei opta nafatin governu inkluzaun.

Tuir Prezidente CNJTL razaun la iha solusaun ba eleisaun antesipad tanba rezultadu sei laiha partidu ida ne’ebe manan maioria absoluta, faktu hatudu katak rezultadu eleisaun antesipada mos la fo solusaun ida. Bainhira boa-vontade politiku na’in sira nafatin kontinua laiha konsistensia atu iha palku demokratizasaun, laiha konsistentensia atu hateke konaba objetivu estadu, klaru katak misaun ho vizaun maka povu moris di’ak, povu moris hakmatek no povu moris iha justisa sosial.

Dadi mos dehan hanesan organizasaun sei la impoin desizaun Prezidente da Republika nian no afirme desizaun fo apoiu tomak ba Prezidente da Repubika, bainhira hola desizaun no fo fiar katak Prezidente da Republika diak ba komum, interese estadu no nasaun.

Hanesan jerasaun foun, CNJTL husu ba lider nasional sira labele kria precidente ne’ebe ladun diak, tanba sira na dedikasaun, sira nia jenordade, sira nia komitmentu estadu sem rezerva.

 

 

 

Print Friendly, PDF & Email

LEAVE A REPLY

Please enter your comment!
Please enter your name here