Home EduTek SEI Enkoraja Feto Hili Área Estudu iha Siénsia Teknolojia, Enjeñaria no Matemátika

SEI Enkoraja Feto Hili Área Estudu iha Siénsia Teknolojia, Enjeñaria no Matemátika

1627
0
SEI, ANC ho estudante sira hasai foto hamutuk. [Foto: Agustinha | 12.08.2023]

Reportajen Agustinha Amaral

Sekretáriu Estadu Igualdade (SEI) Elvina Sousa Carvalho, enkoraja estudante feto sira wainhira remata estuda iha ensinu sekundária atu hili área estudu iha siénsia teknolojia, enjeñaria no matemátika tanba área tolu refere iha Timor-Leste sei menus.

“Tanba ohin ita selebra loron digital skill for life, tanba ne’e mak SEI mai iha ne’e atu fahe informasaun atu enkoraja alin sira atu hili estudu karik hili iha siénsia teknolojia, enjeñaria no matemátika, uainhira atu ko’alia konaba komunikasaun teknolojia informasaun,” dehan Sekretáriu Estadu SEI ba jornalista iha Timor Plaza suai room, sexta, 11/08.

Entaun ita presiza ko’alia mos konaba risku-risku teknolojia inovasaun, maibé iha mos hetan risku lubuk ida, tanba ne’e ihaTimor presiza enkoraja feto sira, tanba iha área teknolojia, enernjeñaria no matematika sei menus feto sira.

“Ho nune’e nafatin husu ba ANC hamutuk SEI rasik iha importánsia atu bele promove aktividade saida de’it mak inspira ou enkoraja feto sira iha área 3 ne’e, dala wa’in feto sira konsidera área 3 ne’e domina ho mane sira ne’e lalos signifika katak feto ho mane iha direitu hanesan,” esplika Sekretáriu Estadu SEI .

Tanba agora ita adapta hela dijitalizasaun, tanba ema barak mak sai vítima ba teknolojia  ne’e rasik, dala barak utilizador ou utilizadora sira menus koñesimentu seluk mak interpretasaun sala ho informasaun ne’ebe iha.

“Ita nia lei fo dalan ba ema hotu hetan direitu de espresaun, hanesan liberdade empresa, maibe la’os uza oportunidade ne’e atu insulta ema seluk ne’e lalos,” tenik nia.

Ho nune’e mak SEI presiza hala’o aktividade barak atu hasa’e koñesimentu feto no joven sira nian iha área teknolojia liu-liu iha populasaun urbanizasaun sira.

Iha fatin hanesan Prezidente Autoridade Nacional de Comunicação (ANC), João Olivio Freitas hateten, hanesan eventu atu fo koñese labarik feto sira iha área tekolojia informasaun no komunikasaun ho tema selebrasaun tinan ida ne’e mak digital skill for life ka abilidade digitais ba moris nian.

“Programa ida ne’e hanesan parte ida husi programa mundial ne’ebe mak jere husi Uniaun Internasional ba Telekomunikasaun (UIT), entaun UIT halo ona selebrasaun iha mos nasaun sira seluk halo hotu ona,” nia akresenta.

Hanesan iha Tailándia hala’o fulan tolu (3), Filipina hala’o semana ida (1), Indonesia, Bali halo ona no nasaun Azia pasífika sira mos hala’o ona no agora mai Timor.

“Ba eventu ida ne’e ita konvida estudante sira husi ensinu sekundária ne’ebe mak iha Dili, tanba ne’e ita konvida husi eskola sanulu resin hitu (17) no estudante 80 mak mai marka prezensa,” dehan nia.

Objetivu prinsipal mak atu mellora liu tan koimeñesimentu alin feto sira ba iha área siénsia teknologia, enjeñaria no matemátika no ita espera katak bele loke mos ita nia alin feto sira nia hanoin, oinsa bele planu ba sira nia futuru edukasaun ida ne’ebe mak di’ak, banhira sira remata sekundária no ba universidade saida mak sira hakarak foti, iha ona koñesimentu husi eventu ne’e, depois ba futuru kareira saida mak sira hakarak foti.

“Iha ne’e ita promove liu mak ba iha STM, espera ho apoiu husi UIT, tanba diretor rejional mos presente hamutuk iha ne’e ho Sekretáriu Estadu Igualdade ne’ebe mak suporta tebes eventu ne’e, atu fasilita diak liu tan ita nia alin feto no foinsa’e sira nia konhesimentu ne’ebe mak diak liu-liu preparasaun planu ba futuru iha area espesifiku sira”.

Print Friendly, PDF & Email

LEAVE A REPLY

Please enter your comment!
Please enter your name here