Home Notisia Belun ho NORC Realiza Workshop Validasaun Deskobrimentu Kombate Tráfiku Umanu

Belun ho NORC Realiza Workshop Validasaun Deskobrimentu Kombate Tráfiku Umanu

110
0
Belun ho NORC halo workshop. [Foto: Santy | 24.05.2022]

Reportajen Santina Lucia da Costa

ONG Belun ho NORC iha Universidade Chicago realiza Workshop validasaun deskobrementu husi peskiza kombate trafiku umanu iha Timor-Leste, Workshop ne’e realiza iha JL Villa, Aimutin.

Ba Jornalista sira, Diretor Belun, Luis Ximenes, hateten, Objetivu workshop maka hamutuk fali ho parseiru save sira husi Governu, Akademia, Sosiedade sivil ho Instituisaun estadu sira hotu hamutuk fali fahe informasaun kona-ba rezultadu peskiza ba iha kombate trafiku humanu, ne’ebé maka fó foku liu ba iha deskobrimentu ho rekomendasaun.

“Hau hanoin iha aprezentasaun konsultóra iha ne’eba ida maka menus husi dadus bai ha trafiku humanu ne’e rasik seidauk iha dadus aktual ida, oinsa atu ajuda ba komabte trafiku humanu.” Dehan, Diretór ONG Belun, Luis Ximenes iha JL Villa, Aimutin, Dili, 23/5.

Diretor Belun, akresenta, Iha deskobrementu ida maka menus sosializasaun, ligadu ba lei, ligadu ba politika ne’ebé maka ita iha hodi hato’o ba iha komunidade sira liuliu komunidade sira iha area rurais.

Luis Ximenes, Realsa, Esforsu dalan ida mak dezimina fahe informasaun hodi hamutuk prevene ka kombate trafiku humanu. Esforus kontinua la’o, la’os de’it husi governu, maibé iha mós redi kombate trafiku humanu lidera husi Ministeriu Justisa hamutuk ho nia parseiru save sira NGO ho Instituisaun estadu sira seluk.

Nia hatutan, Iha deskobrementu ida progresu, esforsu husi governu ba iha kombate asuntu trafiku humanu la’o dadauk, maske ita hasoru dezafius hanesan, seidauk iha dadus aktual ida ne’ebé maka ajuda ita hodi bele antisipa prevene di’ak liu tan ba oin.

“Husi parte Belun, ami nia pilar peskiza no mós dezenvolvimentu politika no advokasia la’o nafatin, husi rezultadu peskiza akademika ne’e parseria ho Universidade Chicago hanaran NORC, iha ne’eba hamutuk ho BELUN ami hanesan oferese ona rezultadu peskiza hus deskobrementu no rekomendasaun no agora kontinua advokasia, oinsa rezultadu sira fahe fila-fali ba iha instituisaun governu nian oinsa hamutuk kombate trafiku humanu.” Dehan, Luis Ximenes.

Nia Afirma, Iha Tinan 2014 parseria hamutuk ho Internasional Organization for Migration (IOM), kona-ba dadus trafiku humanus iha Munisipiu rua, Dili ho Oecusse. Dadus ne’ebé rekolla iha Dili husi Trafiku humanu 2 no Oecusse 4. Foku liu iha Dili razaun primeriu mak movimentu maka’as iha Dili, ema hotu mai iha kapital buka serbisu, halo negosiu no estudu. Iha Oecusse fatin ne’ebé fronteira ho Indonesia ema mós movimentu iha ne’eba.

Partisipante iha workshop ne’e mak hanesan, parseiru save sira husi Governu, Akademia, Sosiedade sivil ho Instituisaun estadu.

Print Friendly, PDF & Email

LEAVE A REPLY

Please enter your comment!
Please enter your name here