Home Saude TL To’o Agora Sedauk Rezista Ema Kona Virus Corona

TL To’o Agora Sedauk Rezista Ema Kona Virus Corona

6997
0
Vice Ministra Saude ba Koidadu Saude Primaria no Ministra Interina, Dra. Elia A.A dos Reis Amaral. [Foto: Santina Lucia da Costa |18.03.2020]

Reportazen Santina Lucia da Costa

Covid 19 ne’ebe sai ona pandemia iha mundu, tanba numeru kauza konaba virus Corona sempre aumenta no rezultadu ema mate. Ho situasaun ida ne’e Ministeriu Saude hahu halo asaun, atu bele tau atensaun masimu iha ba moras ida ne’e.

Ministeriu Saude hamutuk ho Prezidente Komisaun Inter-Ministerial ba kombata COVID-19, CVTL, reprezentante Nasoens Unidas iha Timor-Leste no Organizasaun Mundial Saude iha Timor-Leste hasoru malu ho Prezidente da Republika, hodi hato’o serbisu Ministeriu Saude nian oinsa atu haforsa lina koordenasaun no kontrolu transmisaun virus corona

Hafoin remata enkontru Vice Ministra Saude ba Koidadu Saude Primaria no Ministra Interina, Dra. Elia A.A dos Reis Amaral ba jornalista sira hateten, atu prevene serbisu saida mak Ministeriu Saude halo ona durante ne’e, durante ne’e ekipa halo serbisu lubuk ida ona, no to’o agora seidauk iha kazu konfirmadu konaba moras Corona. Governu Timor haforsa liutan vijilansia regurozu iha portu entrada sira, nune’e iha protesaun maximu ba populasaun tomak.

“Timor-Leste iha situasaun normal no situasuan emerjensia, situasaun emerjensia ne’e tama iha saude publiku emerjensia, ne’ebe mak Organizasaun Saude Mundial deklara katak, pandemia katak, moras ne’e hadaet husi nasaun to’o kontinente lima, ne’e hadaet hotu ona, entaun ita prepara ho kondisaun minimu ne’ebé mak ita iha, ita asegura katak ho rezultadu ne’ebé mak iha, entermus de parte husi vijilansia, porta mak sai xave, ho ida ne’e mak ate agora ita seidauk hetan konfirmadu”,  esplika Dra. Elia A.A dos Reis Amaral iha Palacio Prezidensia, 18/03.

Dra. Alia afirma tan espera katak ba oin sei mantein hanesan ne’e,  sei ba haree liu tan ba iha parte dalan sira ne’ebé ilegal, hodi tau atensaun.

Husi sorumutu ne’e, Prezidente Republika resposta katak sei apoiu maximu ba situasaun ida ne’e, bele haforsa atu kombate hamutuk hadok-an husi Virus Corona.

LEAVE A REPLY

Please enter your comment!
Please enter your name here