Home Notisia Koresaun, Kazu Lahane, MUTL Kondena Makaas Aktu PNTL, Husu MI Reforma PNTL

Koresaun, Kazu Lahane, MUTL Kondena Makaas Aktu PNTL, Husu MI Reforma PNTL

631
0
MUTL halo konferensia imprensa. [Foto: David da Costa | 07.06.2021]

Reportajen David da Costa Gusmao

Akontesementu membru Polisia Nasional Timor-Leste (PNTL), tiru sidadaun nain rua mate no ida kanek iha Lahene, nune’e Movimemtu Universitariu Timor-Leste (MUTL) kondena makaas aktu PNTL ne’ebé tiru mate ona, oan mane ho naran Camilo de Deus, no aman Filomeno de Deus lakon nia vida ho inklui joven ida seluk kanek.

Tuir Porta Voz MUTL, Denis Saebaku hateten Ministériu Interior  (MI) no Komandu Jeral atu aselera investigasaun hasoru ho membru ne’e lalais tanba MUTL konsidera krime ne’ebe kontra Violasaun Direitus Humanus no iha  Konstituisaun RDTL iha Artigo 147 ne’ebe iha aliña 2 hateten katak Prevensaun Kriminál tenke hala’o ho respeitu ho direitus umanu.

“Ministériu Interior no Komando Jeral atu halo demite ba aktu Membru PNTL ne’e rasik, no Ministériu Interior reforma sistema PNTL nian, se lae PNTL rasik mak sei hamonu Estadu RDTL ninia dignidade ne’ebé ita sosa ho raan no ruin”, dehan Denis  liuhosi Konferensia imprensa iha Kampus Sentrál UNTL, Segunda 7/06.

Nia haktuir Komandu Jerál PNTL tenke fó orden ba kada membru hotu ne’ebé bainhira fila ba uma rai armas seguransa iha nia fatin, antes membru sira fila ba uma.

MUTL husu Ministériu Interior ba Komandu Jeral PNTL bainhira iha prosesu rekrutamentu ba membru foun fó prioridade liu ba sidadaun sira ne’ebé iha nivel Ensinu Superior ne’ebe mai ho grau akadémika Lisensiatura.

“Alende ne’e, ami mos husu ba  politiku na’in sira, liu-liu ba Parlamentu Nasionál (PN) tenke atu prodúz lei ida kona-ba sirkulasaun bebida alkoolika, nune’e  bele Reduz kazu komplitu Orizontal entre Joven sira iha teritoriu Timor laran tomak,” nia subliña.

MUTL mos husu  ba organizasaun independente hotu atu nafatin akompaña kazu ne’e  to’o hetan solusaun. 

“Karik asuntu sira ne’ebé mak ohin ami temi liu ba maka lakohi tau konsiderasaun imediata, ami mós komprometidu katak ami sei organiza Ensinu Superior no Juventude tomak hamutuk ho família hosi vítima  hodi hamriik halo asaun pasífiku hasoru governu, liu-liu Komandu Jeral PNTL iha loron hirak tuir mai,” nia hakotu.

Print Friendly, PDF & Email

LEAVE A REPLY

Please enter your comment!
Please enter your name here