Home Notisia PR Lu Olo Sei Lansa Ofisial Livru “Buibere Hamriik Ukun Rasik An...

PR Lu Olo Sei Lansa Ofisial Livru “Buibere Hamriik Ukun Rasik An Iha Loron 10 Juñu

682
0
CNC hamutuk ho OPMT halo konferensia imprensa. [Foto: Joselina | 08.06.2021]

Reportajen Joselina dos Santos

Sekretariu Jeral Interenu Organizasaun Popular Mulher de Timor (OPMT), Florentina Smith hamutuk ho Diretór Ezekutivu Centro Nasionál Chega (CNC), Hugo Fernandes no Koordenador Asosiasaun Vítima Timor-Leste, Domingos Moniz  hodi halo Komemorasaun levantamentu Marabia-Dili, ho lansamentu livru “Buibere Hamriik Ukun rasik An” no Kondekorasaun ba eroina “Bi KIAK”, ne’ebé sei halao iha Palásiu Prezidensiál Nicolau Lotabo iha loron 10 Juñu 2021.

Liu husi konferénsia imprensa Sekretáriu Jeral Interinu OPMT hateten Iha 10 Juñu 1980, FALINTIL lansa atake ba kuartél militár Indonéziu sira iha Marabia-Dili nu’udar avizu ba mundu katak FRETILIN sei eziste nafatin no ka’er metin hela rezisténsia, luta ba povu Timor-Leste nia ukun rasik-an.

“Liu husi biban ida ne’e, nai Prezidente Republika, Dr. Francisco Guterres Lu Olo, sei fó omenajen ba eroína no eroi sira asosiadu ho levantamentu Marabia no sei tatoli mós sira-nia istória brani ba ita -nia ukun rasik an ohin loron,” dehan Sekretáriu Estadu Interinu OPMT, ba jornalista sira iha Salaun Centro Nasionál Chega Balide, 08/06.

Nia haktuir iha kontestu komemora aniversáriu ba eventu istóriku importante ida ne’e mak Prezidente Repúblika Dr. Francisco Guterres Lu-Olo hatán ba pedidu husi Komisaun Organizadora atu lansa livru” Buibere Hamriik Ukun Rasik An” nu’udar obra ida ne’ebé sura kontribuisaun husi feto sira iha frente luta tolu: hanesan Frente Armada, Frente Klandestina no Frente Esterna/Diplomátika.

Nia dehan Prezidente sei hatudu apresiasaun ba ekipa prodúz livru ne’e ho sertifikadu louvór fundamentu ho Dekretu Prezidensiál ida ne’ebé sei publika iha Jornál Repúblika

“Alein de lansa livru importante ne’e Prezidente Repúblika sei kondekora mós saudoza Merita Alves” Bi Kiak” ho orden Timor-Leste, ho títulu póstumu, haree ba ninia kontribuisaun boot ba livru ne’e no mós ba luta libertasaun nasionál iha ai-laran durante períodu Base de Apoiu no nu’udar membru núkleu Klandestinu iha Kuluhun/Dili, ho hahalok brani no determinadu oi-oin, inkluindu simu-subar lider no komandante sira no halo ligasaun entre frente armada, klandestina no esterna/diplomátika,” tenik nia.

Iha Fatin hanesan Diretór Ezekutivu Centro Nasionál Chega Hugo Fernandes, hateten ohin ne’e sira halo reflesaun kona-ba  komemorasaun impaktu husi levantamentu tanba ema barak mak desterra ba fatin oin-oin no liu-liu iha Atauru,  bainhira komisaun peskiza eskolla katak feto nia  partisipasaun iha luta libertasaun nasionál ne’e boot liu tanba ne’e sira hakarak halo lansamentu ba “Livru Buibere Hamriik Ukun Rasik An”.

Iha Sorin seluk, Koordenadór Nasionál Asosiasaun Vítima Timor-Leste, Domingos Moniz informa loron ida ne’e loron istóriku tebes lansamentu livru  “Buibere Hamriik Ukun Rasik an” tanba iha tempu ne’ebá, buibere lubuk ida maka kontribui makaas bainhira baze do apoiu rahun.

Livur ne’e sei lansa ofisial hosi Prezidente Republika iha Loron 10 Juñu 2021, iha palacio prezidénsia Ai-tarak laran

“Ita relembra fila fali ba kotuk, se la’e jerasaun foun ne’e haree ba oin de’it  entaun ita nia istória kona-ba baze fundamental ne’e mai husi ne’ebé, tanba ne’e iha 10 Juñu ne’e tenke halo lansamentu livru ne’e tanba baze de apoiu ne’e hodi korresponde de’it Indonézia nia lia fuan falsu ba mundu katak Timor ne’e integrasaun total,” dehan Koordenadór Nasionál Asosiasaun Vítima.

Print Friendly, PDF & Email

LEAVE A REPLY

Please enter your comment!
Please enter your name here