Home Notisia Governo Thailandia Halo Forum “Kontra”, Sociedade Civil ASEAN Expresa Sira Nia Diskontente

Governo Thailandia Halo Forum “Kontra”, Sociedade Civil ASEAN Expresa Sira Nia Diskontente

366
0
Chair Timor-Leste koalia conferencia imprensa APF 2019, iha Bangkok (Foto: Ato Lekinawa)

Chairperson ba ASEAN Peoples Forum 2019, Chalida Thacharoensak, expresa ninia sentimentu diskontente ho governo Thailandia tanba organiza forum “kontra/tandingan” ka forum ketak ida konvida ema Thailandia deit, depois hanaran forum ne’e nudar Forum Ema ASEAN nian. Expresaun ne’e hato’o iha inisiu konferensia imprensa ASEAN Civil Society/Asean Peoples Forum, iha Thammasat University, Rangsik Campus, iha Thailandia.

Statementu konferensia imprensa ne’ebe fahe hato’o katak forum ne’ebe governo halo laos forum sosiedade civil ASEAN nian.

“Forum ne’ebe halao iha Barkeley Hotel Pratunam laos Forum ba Ema ASEAN nian. Forum ida ne’e governo ne’e mak organiza no partisipa hosi ema Thailandia nian deit. La iha partisipante ida mak mai hosi rai sira iha ASEA,” Statementu ne’e hatete.

Statement ne’e mos hatete katak komisaun organizadora la kontente ho ninia aktu mak desidi atu la fo apoio orsamentu ba APF 2019 mak halao iha Bangkok, semana ida antes konferensia ne’e hahu. Razaun la fo apoio tanba Komisaun Organizadora APF 2019 desidi koletivamente la fo naran partisipante nian ba governo.

“Fo naran ba qualker entidade ida, ka governo, kona ba partisipasaun partisipante hosi ASEAN ne’e kontra prinsipiu APF nian. Komisaun Organizadora lakohi partisipante sira hetan risku bainhira fila hikas hosi fatin konferensia,” Chalida haktuir.

Chairperson APF Timor-Leste, Koko Valente, expresa ninia apoio ba saida mak Chalida hato’o.

“Aktu ne’ebe governo halo ne’e loloos ne’e labele akontese tanba halo konfuzaun ba publik. ASEAN Peoples Forum mak reprezentante loloos hosi sosiedade civil iha ASEAN nian,” Koko esplika.

Ativista dereitus umanus rejional nian, Debbie Stothard,  expresa ninia urgulho ba Komisaun Organziadora mak bele kontinua mantein hodi aplika prinsipiu sira hosi APF nian.

Neonmetin.info observa katak tanba governo Thailandia la kontinua fo  fundu, Komisaun Organziadora tenke reorganiza lalais konferensia tuir limitasaun oioin mak iha ona.

ASEAN Peoples Forum 2019, kontinua lao nafatin iha Thammasat University, hosi 10 – 12 Setembru, ho partisipasaun hosi organizasaun sosiedade civil iha rejiaun sudeste asiatiku, no mos hosi Thailandia rasik. Ema besik 1,000 resin mak partisipa iha eventu ne’e. Eventu ne’e halo diskusaun kona asuntu sira mak liga ho dereitus umanus, protesaun sosial, trabalhador migrante sira, asuntu adviokasia sira iha rejiaun ida ne’e. Timor-Leste haruka ninia reprezentante sosiedade civil nain 11 mak ba partisipa iha Forum ne’e, inklui reprezentante hosi LGBTI nian. Timor-Leste orgniza Forum hanesan iha tinan 2016 ho apoio maximu hosi governo Timor-Leste.

LEAVE A REPLY

Please enter your comment!
Please enter your name here