Reportajen Santina Lucia da Costa
Relasiona ho Ministériu Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jeronimo, hatama keixa ba Ministériu Publiku (MP) kontra Jornalista no Xefe Redasaun media Hatutan.com kona-ba publika notísia, projetu Instalasaun Set-Top Box/dekodifikadór Rádiu Televizaun Timor-Leste, Empreza Públika (RTTL,E.P). maka tuir Asosiasaun HAK nia haree ne’e ironia ida. No ne’e dezafiu ida ba ema nia Liberdade.
“HAK haree katak, sé MAPKOMS senti katak, media kestiona maka MAPKOMS ba keixa ne’e ironia ida, nia hakarak ema labele sukit buat ne’ebé laloos no keixa Jornalista ba Ministru Publiku, ne’e dezafiu ida ba ita nia Liberdade.” Hateten, Diretór Asosiasaun HAK, Sisto dos Santos ba Jornalista sira iha Asosiasaun HAK, Farol, 25/5.
Diretór HAK, Sisto dos Santos, dehan, MAPKOMS Francisco Jeronimo ne’e Ironia ida, tanba tuir lolos ne’e papel ida MAPKOMS ne’e mak tenki enkoraja ba instituisaun hotu-hotu tenki nakloke no transparantemente tenki iha espasu ida ba ema hotu tenki hatene, sé buat balun ema kestiona kerdizér buat balun seidauk transparansia.
Sisto dos Santos, hatutan, Tanba saida maka MAPKOMS ne’e hanesan ular ida nakdedar los ne’e, ka cacin kepanasang, sé buat balun laloos publiku hotu iha direitu obsoluta atu kestiona, no media nia papel maka atu alerta ida ne’e.
HAK hanoin katak, sé buat balun publiku kestiona maka ita taka dalan ba ema balun kestiona ida ne’e, MAPKOMS hakarak ita nia atmosfera demokrasia ida ne’e labele nakloke, MAPKOMS mak hakarak taka dalan, odamatan, janela, ba prosesu transparansia no akuntabilidade. Sé de’it mak asumi ona kargu publiku nia obrigasaun tenki transparante.
Sisto dos Santos, realsa tan katak, Bainhira MAPKOMS senti katak ne’e prejudika ba nia knaár husik prosesu mak sai determinante, HAK hanoin katak, ne’e momentu ida mós PDHJ halo investigasaun kle’an.
“Ami hanoin katak, MAPKOMS la komete buat ruma, maibé presija tenki kestiona nafatin, no MAPKOMS nia obrigasaun tenki hateten transparantemente, infromasaun ida kredivél no klaru, atu nune’e publiku, Media labele kestiona, Jornalista foti sai tanba publiku kestiona, tanba rekursu ne’ebé MAPKOMS uza ne’e rekursu estadu, povu nian.” Hateten, Sisto dos Santos.
Diretór HAK husu Ba Jornalista hotu sé buat balun ne’ebé loos, jornalista ba modifika para ita tenki ezizi mós MAPKOMS nia maneira ida ne’ebé mak ba keixa tun sa’e. Ne’e momentu ida jornalista sira firme hodi afirma katak, ema sira ne’ebé mak asumi hela kargu publik nia iha obrigasaun atu transparansia.
“Nia labele mai hasoru direitamente ba media ida ne’ebé mak publika nia asuntu ne’e, maibé tenki ba husu fontes ne’e mai husi ne’ebé. Tanba jornalista ne’e hanesan instrumentu no dalan ida atu divulga.” Subliña Sisto dos Santos.
Nia dehan se MAPKOMS iha seriedade atu apoiu ita nia Liberdade Imprensa, husik notisia ne’e sai lai, no husik mós ba parte hotu-hotu atu halo investigasaun, tanba bainhira kuandu laiha notisia instituisaun relevante sira labele halo nia esforsu.
Saida mak MAPKOMS halo ne’e hasoru demokrasia, hasoru Liberdade espresaun, hasoru transparansia. Tanba Jornalista maka lian maromak nian, durante informasaun ne’e loos, eziste, Faktus.
HAK enkoraja Jornalista sira hotu katak, ne’e momentu ida ita hasoru ema sira ne’ebé mak Governante ne’ebé ukun kakutak feudal, Kolonial.
