Reportajen Filomena da Conceicao
Sebastião Freitas Ximenes nu’udar sarani husi reliziaun Protestante hatuir ba Neon Metin katak, Maske diferente relizaun maibe nia kontente ho vizitasaun Papa Mai Timo-Leste, tanba sua Santidade nu’udar lideransa boot ba sarani katolika iha mundu tomak.
“Nudar Timor ha’u sente haksolok tanba Amu Papa Francisco nu’udar Lideransa sarani katolika ne’ebe boot iha mundu oferese nia tempu hodi bele vizita rai Timor Leste, maske ho idade nebe avansado ona, ha’u agradese no apresia ba vizitasaun ida ne. Esperansa husi vizitasaun ida ne mak ita nafatin respeita malu iha kontexto fiar ne’ebe la hanesan, maibe nafatin respeita malu nu’udar ema moris, familia, komunidade, nasaun, atu nune’e bele hametin ita nia fiar Fraternidade Umana”, dehan Francisco ba neomentin banhira remata nia partisipasaun, ba vizita sua santidade, iha rotunda Nicolai Lobatu Comoro, Segunda 09/09.
Nia hatuir maske religiaun seluk maibé haree Amo Papa Francisco nia vizitasaun ne bele hametin no haforsa Timoroan nia fiar nu’udar sarani katolika ida ne’ebe diak no hadomi malu konstrui ba paz iha rai ida ne, ba Lideransa husi baze to’o ba Nasional tenke sai exemplar diak, hadok an husi nepotismu, korupsaun, egoismu, no sai ema ne’ebe responsavel.
Nia salienta, prefere diak ba Timoroan hotu, bele diferente religiaun maibe nafatin maun alin nudar Ema moris bain-bain iha Familia, Komunidade no iha Nasaun Ida nia laran hodi nafatin servisu hamutuk iha kualker situasaun.
“Ha’u nia mensagem ba Amo Papa Francisco mak harohan nafatin mai ami nia nasaun kiik ida ne, biar ami direrente religiaun no hanoin, atu nune’e ami nafatin iha unidade, paz, fraternidade nia laran, ami tane malu nafatin, no fo liman ba malu, hodi konstrui ami nia nasaun ne honestu no transparansia ba futuru nebe mak sei mai”, Nia husu.
Iha Fatin hanesan Octavia M.Rosa haktuir mos katak maske diferente relejiaun maibé nia agredese tebes ba prejensa Sua Santidade iha Timor-Leste, tanba bele marka istoria boot ba jerasaun foun sira hodi hametin fiar sarani nian iha TL.
“Agradese no kontente tebes ba Nai Amo Papa Francisco nia prejensa iha ita-nia nasaun doben ida ne’e tanba ne’e hanesan marka istoria boot ba jerasaun foun sira no familia boot husi relijiaun katóliku tanba ita hatene katak Timor maioria ho relejiaun katólika espera espera husi vizita ne’e bele hametin fiar sarani nian”, dehan, Octa ba Neomentin
Liuhusi vizitasaun husi Santo Papa ne’ebé durante ne’e hala’o iha kontinente ASEAN nune’e, Timor mós hola parte hodi vizita tanba ne’e, ha’u espera katak, husi vizita ne’e bele lori domin malu liuliu joven sira husi sarani katolika no sarani sira seluk ne’ebé eziste iha Ita-nia nasaun Timor bele respeita malu no valoriza malu nune’e bele kontrobui ba paz iha Ita-nia nasaun Timor.
“Husi vizitasaun husi Santo Papa Francisco nia prejensa iha nasaun ne’e ha’u senti lori benefisiu no previlejiu boot mai Ami husi relijiaun seluk tanba bele hametin fiar srani katolika tomak Sira nian no mos espesialmente ba Timoroan tomak hodi iha fê no toleransia ba malu entre relijiaun sira Hotu ba moris iha armonia, paz no unidade nian laran”, dehan Nia
“Husi vizita no prejensa Santo Papa Francisco iha nasaun ne’e ha’u senti lori benefisiu no prevelijeu boot mai ami husi relijiaun seluk tanba Papa mai la’os vizita no haree ba kristaun katóliku, maibé Papa nia prejensa iha Timor ba ita Timor oan hotu”, Nia orgullu
Nu’udar Joven Kristaun Protestante hakarak hato’o uluk Benvindo hodi Jesus nia naran ba Santo Papa mai iha Nasaun Timor-Leste tanba ne’e, hakarak husu ba Papa Francisco durante prejensa iha ne’e bele ko’alia barak kona-ba ba domin, asaun karidade no Unidade iha Ami-nia Nasaun.
Tuir observasaun, Neon Metin iha rotunda Nicolau Lobatu nota katak, partisipasaun sarani sira ba vizita sua santidade Papa Fransisco maximu tebes, maske balun hamriik iha loro manas durante oras haat Nia laran maibe konsege hetan bensaun husi sua Santidade Papa Fransisco.
