Home Notisia MNEK Hato’o Apresiasaun Ba NZ Tanba Konsege Evakua Estudante Timoroan, Jorge:...

MNEK Hato’o Apresiasaun Ba NZ Tanba Konsege Evakua Estudante Timoroan, Jorge: Governu Rua Hahu Prosesu Ho Diak

440
0
MNEK ho Embaixador Nova Zelandia ba TL iha konferensia da imprensa. [Foto: Franscisco JDA | 06.02.2020]

Reportazen Francisco JDA 

Ministeriu Negosio Estranjeiro Koperasaun [MNEK] fo agredese ba governu Nova Zelandia ne’ebe mak konsege evakua estudante timoroan hosi Wuhan tanba virus Corona. Liu hosi konferensia imprensa Sekretareiu Jeral MNEK, Jorge Neves Camoes, ba jornalista sira esplika katak hatoo apresiasaun no agredesimentu ba involvimentu embaixada no governu Nova Zelandia ne’ebe lori hikas fila fali estudante hosi China tanba virus Corona ne’ebe daet barak ba ema sira iha Wuhan. Estudante sir a ne’e sei karantina iha Nova Zelandia durante semana rua.

Jorge Neves hateten serbisu ne’ebe Embaixada Nova Zelandia no MNEK halo ho  intensivu ne’ebe  diak tebes, hahu hosi prosesu koordenasaun.

“Prosesu koordenasaun hosi inisiu too ita nia estudante sira sai hosi China Wuhan,  konserteza koordenasaun ne’e ami la fo sai ba publiku, tanba tanba iha buat barak, ami nonok deit halo servisu hakmatek to’o estudante sira sai, hafoin sai publiku hatene.  Iha enkontro ne’e hatoo ita nia apresiasaun boot tebes ba Nova Zelandia tanba simu ita nia proposta, atu evakua ita nia estudante ho diak to’o ba iha ha Nova Zelandia iha karantina durante loron 14.  Hare katak sira ho kondisaun diak sei fila fali mai iha Timor-Leste”,  dehan Secretario Geral Jorge Neves Camões ba jornalista sira liu hosi konferensia imprensa iha Pantai Kelapa, 06/02

Jose Camoes mos  informa katak agora dadauk entre governu rua ne’e sei halo diskusaun konaba kustu saida mak Timor-Leste bele kontribui ba prosesu tomak. Governu determinado liu hosi Konselho Ministru aprova ona orsamentu atu bele kontribui, konforme ba kustu ne’ebe presiza atu hasai.

Iha fatin hanesan Embaixador Nova Zelandia ba Timor-Leste, Philip Hewitt informa ba jornalista sira katak  nia parte sente haraik an tomak ba agradesimentu ne’ebe hatoo hosi komunidade Timor-Leste ba Nova Zelandia nudar kolega ajuda malu iha tempu saida deit.

LEAVE A REPLY

Please enter your comment!
Please enter your name here