Home Notisia Spotlight Nudar Aproximasaun Foun Hodi Atinji Igualdade Jeneru

Spotlight Nudar Aproximasaun Foun Hodi Atinji Igualdade Jeneru

349
0
Secretaria Estadu Igualdade no Inklusaun [SEII] Maria José da Fonseca Monteiro. [Foto: Francisco JDA | 06.03.2020]

Reportazen Francisco JDA

Violasaun hasoru feto no labarik feto sai preokupasaun iha mundu tomak, ida ne’e sai dezafiu ne’ebe mak ohin loron nasoen unidas hamutuk organizasaun feto sira iha nasaun barak luta.

Relasiona ho issue refere, governu hamutuk ho Uniaun Europea no Nasoens Unidas lansa Spotlight Iniatiative ho atinji objetivu dezenvolvimentu sustentavel, hodi halakon forma oin-oin hosi violensia hasoru feto no labarik feto iha tinan 2030

Secretaria Estadu Igualdade no Inklusaun [SEII] Maria José da Fonseca Monteiro iha Konferensia Imprensa hatete apresia tebes inisiativa Spotlight tanba hare hosi estimasaun vizaun ba igualdade violensia hasoru feto, sei sai nafatin obstakulu  ho porsentu 38% – 50% feto hetan violensia hosi sira nia moris tomak.

Kompromisu governu Timor-Leste atu promove no proteje dignidade no direitu feto, governu fo prioridade no fo importansia liu ba prevensaun, protesaun no prestasaun, servisu hamutuk ho esforsu sira ba asegura hasae kbiit ekonomia no partisipasaun feto iha aspetu hotu sosiedade nian, governu komprometidu tebes ba zero toleransia hasoru forma oin oin no tipu violensia saida deit hasoru feto no labarik feto”, dehan Secretaria Estadu Igualdade Inklusaun Maria José Fonseca iha Hotel Timor, 05/03.

Iha fatin hanesan UN Resident Representative iha Timor-Leste, Roy Trivedy informa ba jornalista sira katak,  violensia hasoru feto no labarik feto impede atinjimentu hosi direitu humanu no desenvolvimentu iha sosiedade saida deit

“Nasoens Unidas servisu hamutuk ho ema no instituisaun barak, hosi altu nivel ba too povu kiik inklui governu, sosiedade sivil, setor privadu, parseiru desenvolvimentu, feto no labarik feto, mane no labarik mane sira, atu halo mudansa loloos. Inisiativa spotlight ne’e hanesan aproximasaun foun ida, atu alkansa igualdade jeneru no espiritu unidade”,  hateten  Roy Trivedy.

Hatutan mos hosi Embaixador Uniaun Eurpea iha Timor-Leste,  Andrew Jacobs katak, kontente tebes atu apoio esforsu Timor-Leste, atu halakon perigu sira hosi violensia boot ne’ebe hasoru feto no labarik feto sira

LEAVE A REPLY

Please enter your comment!
Please enter your name here