Reportajen Filomena da Conceição
Vise Ministru Komersiu Industria (VMKI) Augusto Junior Trindade, hamutuk ho reprezentante Banku Mundiál iha Timor-Leste (BMTL) realiza Perss Breefing ba media sira, hodi fahe informasaun portal komersiál ne’ebé sei lansa iha semana ida ne’e nian laran.
“Banku Munidal ho MKI, organiza perss Briefing ida ho média tomak, oinsá atu ajuda hodi divulga informármasaun, ba públiku kona-ba lasamentu ba informasaun Portal ne’ebé sei realiza iha dia 11 de abril, semana ida ne’e”, dehan Vice Ministru, Agosto Junior ba Jornalista sira iha Edifisiu Banku Mundiál Lecidere, Tersa 09/04
Nia esplika, Informasaun Portal ida ne’e importante tebes atu responde imediata, ba Timor-Leste nia adezaun ba OMK foin lalais ne’e, no Timor-Leste nia prepasaun ba ASEAN, no liuhusi ida ne’e, sei ajuda makaas iha area komersiu, hodi fo imformsaun ida ne’ebé lolos ba potensial investidor sira no agência autonomo sira ne’ebé servisu relasiona ho komersiu nian.
Nia informa mós katak, Lansamento ba Informasaun Portal ida ne’e, bele ajuda hodi reduz tempu no reduz virokrasia ida ne’ebé naruk, banhira ema hakarak atu asesu ba informasaun komersial sira, tanba ne’e, media hanesan dalan ida presiza tebes atu partilla informasaun ida ne’e ba publiku atu ema barak bele partisipa hodi iha koinsementu ba web ne’e rasik.
Iha fatin hanesan, reprezentante Banku Mundial iha Timor-Leste, Alina Antoci hateten, Banku mundial orgulho ho komtimentu governu TL ne’ebé implementa ona informasaun portal komersial iha Timor-Leste tanba sistema ida ne’e bele fó benefisiu bo’ot ba Timor-Leste iha area komersiu nian.
Tanba ne’e, Banku Mundial sente orgulho tebes ba komitmentu governu Timor-Leste implementa hodi dezenvolve informasaun portal komersiál, no simplesmente portal ida ne’e sei fo benefisiu boot ba Timor-Leste liu-liu ba Komersiante sira ne’ebé hakarak atu hala’o nia atividade importásaun no exportasaun.
Nia esplika, informasaun hotu-hotu ne’ebé fornesidu iha portal informasaun komersiál ida ne’e responde hotu ona ba buat hotu ne’ebé mak komesiante sira persiza hodi prienze atu halo importante no exportasaun ne’ebé sai husi Timor-Leste ka tama mai iha Timor-Leste. No Informármasaun Portal ida ne’e atu ajuda Timor-Leste atu bele kumprimenta ba Boa prátika internasionál sira hotu no mós ajuda TL atu bele iha introprebilidade ida diak liu tan entre portal ne’e rasik ho National single window, ne’ebé autoridade adoneiru sira ohin loron jere.
Nia salienta katak, Portal informármasaun ne’e atu fo informasaun hotu no apoiu sitema janela unika nian, hodi bele ajuda Komersiante sira atu bele hala’o sira nia komersiu iha área Exportasaun no Importasaun tanba informármasaun portal hanesan mos feramenta importante ida ba potensial investores sira no garante ambiente ida di’ak ba investidor sira atu mai investe iha Timor.
“Banku Mundiál ami nafatin hare’e ba oin depois de lansamentu ami espera katak portal ne’e rasik sei fo útil ba governu no Setór privadu sira no mos espra katak sei nafatin iha kontinuasaun hodi atualiza informasaun hotu-hotu para hodi bele fo Benefisiu diak liu tan ba Timor-Leste,” Nia dehan.
