Home Memoria Borja da Costa Nudar Ativista no Konsege Sai Xefe Redasaun Iha ã...

Borja da Costa Nudar Ativista no Konsege Sai Xefe Redasaun Iha ã Voz de Timor

997
0
Heroi Timor-Leste Borja da Costa. [Foto: Arkivu nasional | 07.12.2020]

Reportazen Francisco JDA

Borja foti lisensa grasioza ida ba Portugal, iha interasaun diak ho estudante sira iha Portugal ikus mai hamutuk ho lutadór nain rua Abilio Araujo no Vicente Reis “Sahe” kria múzika ida ho titlu kolelemai ne’ebe Borja aprende hosi Vicente Reis “Sahe” múzika ne’e hosi Bukoli kanta ba ema mate nian, maibé Borja no Abilio Araujo modifika múzika ne’e sai revolusionáriu hodi halo ligasaun polítika

Centro Nasional Chega! (CNC) organiza reflesaun iha loron Invazaun 7 Dezembro 1975, ho tema “Hakletak saudoza Rosa Muki Bonaparte ho saudoza Francisco Borja da Costa, atu hanoin hikas istória luta libertasaun nasional ne’ebe heroi sira sakrifika ba rai ida ne’e to’o hetan independénsia”.

Estadu Timor-Leste mos rekonnese Francisco Borja da Costa nia moris ba loron nasional Kultura tanba konsidera nudár poeta no movimentu luta ba libertasaun nasional,  ativista no mos jornalista iha ã voz de Timor.

Peskizador Nuno Rogdrigues iha iha komemorasaun bad ala 45 hateten katak Francisco Borja da Costa moris iha Fatuberliu 14 Outubru 1946, desde kiik gosta lee livru oioin, ho otas tinan 13 no  hahú  hakerek ona poezia iha lian Portuguesa, maske momentu ne’eba la iha eletrisidade maibé uza kami sunu iha tempu kalan, kontinua lee nafatin livru sira no tama iha militár obrigatorio Portugues nian.

“Sasin hateten katak nia sente ona diskriminasaun kolonializmu hasoru povu iha momentu ne’eba maibé bainhira formasaun polítika hahú sai metin liu tan, kuandu nia ba militár obrigatorio tanba diretamente hasoru diskriminasaun tropas Portugues hasoru timoroan, ida ne’e ajuda liu tan nia atu komprende sistema kolonializmu”, hateten Nuno Rodrigues iha salaun CNC Balide, 07/12.

Nia realsa esperiénsia hirak ne’e, sira hahú involve Borja iha movimentu klandestina anti koloniál, antes tinan 1974 movimentu ne’e hahú ona, sira ne’ebe involve iha movimentu ne’e mak Borja da Costa, Mari Alkatiri, Ramos Horta, Justinho Mota ho Nicolau Lobato hahú halo diskusaun informal kona ba sistema koloniál nian.

Peskizador ne’e reforsa liu tan hafoin inklina-an iha movimentu klandestina anti koloniál, Borja foti lisensa grasioza ida ba Portugal, iha interasaun diak ho estudante sira iha Portugal ikus mai hamutuk ho lutadór nain rua Abilio Araujo no Vicente Reis “Sahe” kria múzika ida ho titlu kolelemai ne’ebe Borja aprende hosi Vicente Reis “Sahe” múzika ne’e hosi Bukoli kanta ba ema mate nian, maibé Borja no Abilio Araujo modifika múzika ne’e sai revolusionáriu hodi halo ligasaun polítika.

Peskizadór ne’e dehan, timoroan sira hahú mosu idea nasionalizmu liu hosi múzika sira ne’ebe kria inklui foho Ramelau, kadalak sulimutu. Borja fila mai Timor kontinua halo serbisu hanesan jornalista iha jornál diario  ã Voz de Timor no fila ba estájiu iha Portugal diario notisioza no diario  popular no Ministériu Komunikasaun iha akontese mos  revolusaun cravos.

“Iha ne’eba Borja hasoru eskritór boot Portugues premiadu novel literatura, Jose Saramago ne’ebe serbisu iha diario notísia, tanba iha ligasaun ho Jose Saramago halo entrevista ho Nicolau Lobato iha sitausaun perigu, tanba iha revolusaun dos cravos, Timor-Leste la dun hetan atensaun no Borja hakerek no ezije atu Portugal tau atensaun ba kestaun Timor nian iha Casa de Timor ne’ebe harii hosi portuguesa sira. Borja fila fali mai iha Timor entre Maio no Julhu bainhira fila Borja sai Xefi Redasaun ã voz de timor”, haktuir  Nuno Rodrigues

Nuno esplika katak Francisco Borja da Costa ne’ebe influensia makaas hosi cientista edukasaun Paulo Fereire nia teoria ne’ebe hatete katak, objetivu edukasaun iha rua, hanesan domestikasaun kontinua ou mantein injustica no edukasaun ne’e liberta ema.

Iha Fatin hanesan estudante eskola 10 Dezembro, Leticia Gonsalves ba Neon Metin katak loron ne’e importante tebes ba juventude jerasaun foun, oinsá atu hatene diak liu tan heroi sira nia istória ne’ebe luta ba ukun rasik an hodi Timor-Leste ohin loron livre hosi ukun colonial.

Reflesaun ne’e organiza hosi CNC hetan partisipasaun maximu hosi estudante universitario no estudante sekundáriu sira.

Print Friendly, PDF & Email

LEAVE A REPLY

Please enter your comment!
Please enter your name here