Home Memoria Invasaun 7 Dezembro, Rosa Muki Ativista Feto Ne’ebe Luta Ba Emansipasaun Feto

Invasaun 7 Dezembro, Rosa Muki Ativista Feto Ne’ebe Luta Ba Emansipasaun Feto

974
0
Saudoza Rosa Muki hamrik iha klaran entre Dr. Mari Alkatir, Saudozu Nicolau Lobato. [Foto: Copyright AMRT | 07.12.2020]

Reportazen Francisco JDA

“Se feto tau matan ba oan, nia la iha atividade seluk,  entaun edea krese mak atu feto bele partisipa iha revolusaun luta ba ukun rasik an nian, se trabalho doméstika nafatin feto, entaun feto labele sai ba liur feto labele halo atividade sira ne’e”, Rosa Muki

Komemorasaun loron Invasaun Indonesia 7 de Dezembru 1975, Centru Nasional Chega! (CNC) realiza reflesaun hanoin hikas istória Rosa Muki Ponaparte no Francisco Borja da Costa nia luta durante tinan naruk nia laran to’o hetan ukun rasik an.

Rosa Muki Bonaparte mak feto timoroan polítika nain no ativista ba direitu feto nian hanesan mos membru Comité Central Frente Revolusinario Timor Leste Independensia (FRETILIN) iha tinan 1970 no nudar lider dahuluk ba Organizasaun Mulheres de Timorense (OPMT)

Primeira Secretaria  OPMT ne’e kotu lalais deit tanba akontese 7 de Dezembro militár indoensia kaptura no oho.

Peskizador Nuno Rodrigues iha ámbitu reflesaun ne’ebe CNC organiza haktuir katak Rosa moris iha Ossu 18 Fevereiro 1957, nia estudante ne’ebe matenek tebes no kontinua eskola iha Portugal kona ba ekonomia no Finansas, depois revolusaun cravos okupa kedas Casa de Timor ne’ebe harii hosi ema portuguesa sira no hahú diskusaun barak kona ba diskusaun polítika.

“O la involve iha polítika signifika o hatene mak ida ema hanorin ne’e, eskola kona ba revolta no kontra nian la hanorin iha eskola. Maske nia feto involve halo diskusaun ho mane sira aprende ho peensamentu Paulo Fereire nian katak la iha mestre mak hanorin, fo livru hotu-hotu lee depois halo diskusaun”, haktuir Nuno Rodrigues.

Nuno haktuir tan Rosa hare katak emansipasaun feto importante tebes, iha Casa de Timor mak Rosa aprende buat oioin, hosi artigu ne’ebe nia hakerek hatete katak atu feto bele liberta nia-an iha diskriminasaun, ne’ebe hasoru sistema koloniál portugues nian no sistema tradisaun, analiza, sistema koloniál mak trabalho forçado, prostituisaun no saláriu ba feto sira serbisu ne’ebe oras naruk hetan saláriu kiik no sistema tradisionál mak sai objetu ba diskriminasaun hasoru feto iha barlakeadu”, hatete Peskizador Nuno Rodrigues iha Salaun  Balide CNC, 07/12

Nuno Rodrigues haktuir tan katak saudoza Rosa fila fali hosi Portugal hamutuk ho Maulear sira, maibé Rosa mai hosi família mak inan aman hetan ona edukasaun koloniál nian, Rosa hare katak edukasaun koloniál kontinua sai diskriminasaun, tanba liu hosi klase ne’ebe iha, bainhira iha atividade OPMT kontra golpe mak UDT lansa iha tinan 1975, Rosa  hamutuk ho feto sira seluk hahú harii krese katak fatin tau matan ba labarik sira, hahú harii iha Maubisse

“Golpe UDT nian halo ema sai orfan barak, inan aman barak mak mate, Rosa nia prezensa, koko muda trabalho doméstika ne’e ba trabalho públiku, laos tau matan  ba oan ne’e mak fen, maibé problema ne’e públiku ema hotu bele tau matan, trabalho feto sira. Se feto tau matan ba oan, nia la iha atividade seluk,  entaun edea krese mak atu feto bele partisipa iha revolusaun luta ba ukun rasik an nian, se trabalho doméstika nafatin feto, entaun feto labele sai ba liur feto labele halo atividade sira ne’e”, haktuir peskizador Nuno Rodrigues

Peskizador ne’e mos dehan atividade krese ne’ebe Rosa harii laos deit iha Dili maibé kontinua ba ai-laran durante tinan 3 no fila mai mate iha ponte kais, maibé mate oinsá ema hotu la hatene tanba ne’e estadu Timor-Leste presiza halo esforsu makaas atu Indonesia bele fo informasaun tanba relatóriu Chega! husu atu troka informasaun maske CNC inisia ona maibé presiza peskiza barak liu tan.

Print Friendly, PDF & Email

LEAVE A REPLY

Please enter your comment!
Please enter your name here