Home Saude Ema nain Rua Tama Ilegal Hosi Fronteira Positivu COVID-19, Atual Baixa nain...

Ema nain Rua Tama Ilegal Hosi Fronteira Positivu COVID-19, Atual Baixa nain 6

480
0
Koordenadora Jeral COVID-19, Odete Viegas. [Foto: David da Costa | 13.01.2021]

Reportazen David da Costa Gusmao

Kazal Timor oan nain rua konfirmadu positivo COVID-19, no oras ne’e dadauk iha hela sala izolamentu Vera Cruz.

Liu hosi konferensia imprensa Koordenadora Jeral COVID-19, Odete da Silva Viegas ba jornalista sira relata katak sidadun kazal timoroan nain rua, laen idade 48, feen idade 39 asimtomatiku ka la hamosu isin manas ka mear no hafoin halo swab test rezultadu hatudu katak sira afeta COVID-19.

Koordenadora Jeral ne’e haktuir sidadaun nain rua ne’e, halo viajem husi Tangerang-Jakarta iha loron  21 Dezembru 2020 ho aviaun Garuda, iha Kupang toba iha hotel Timor. Sai husi Kupang mai Atambua iha loron 22 Dezembru 2020 ho kareta rental. Iha Atambua sira hela iha hotel Matahari semana ida liu. 

Nia hatutan sira halo viajem husi Atambua mai Motain ho familia nia kareta, iha kareta ne’e ema nain 4 ho kondutor ho ema ida tan. Kondutor ho ida seluk fila fali ba Atambua, kazal nain rua ne’e tama iha Motain iha loron 2 Janeru 2021, tanba fronteira Motain taka hela, ho nune sira tama hosi postu UPF Badut Mean no forsa UPF sira ho kareta entrega iha kuarentena Motain

“Entaun sidadaun nain rua kumpri kuarentina iha Mota ain, depois ekipa vijilansia  serbisu saude muncipiu (SSM) Bobonaru hasai ona sira nia Swab test iha loron 11 Janeiru 2021,  rezultadu teste positivo sai iha loron 12 Janeiru 2021 “, esplika Odete Veigas iha palacio das sinzas, 13/01

Nia salienta pasiente positivu nain rua ne’e, horseik ba foti kedas iha kuarentina Mota ain, hodi lori  mai iha Vera Cruz atu halo isolamentu no sidadun nain rua ne’e seidauk halo kontaktuk ho familia.

Oras ne’e dadauk ema nain 22 mak halo hela kuarentena iha Mota ain no tama mai Timor liu hosi dalan illegal. Entertantu dadus total teste 17,834, hein rezultadu 214, total akumulativo kazu 51, total rekuperadu 45, kazu foun 2, baixa nain 6, rezultadu teste negativo 17,569, total kuarentina 93 kompostu husi Dili 27 no muncipiu 66, auto kuarentina  total 79 husi Dili, Muncipiu  0, pasa iha kuarentina total 7,316, Dili 6,067 ho Muncipiu 1249.

Print Friendly, PDF & Email

LEAVE A REPLY

Please enter your comment!
Please enter your name here