Reportajen Joselina dos Santos
Ra’es Hadomi Timor Oan (RHTO) nu’udar membru Koligasaun Agrikultura, liuhusi konferénsia imprensa, reprezentante RHTO Field Officer, Abilio J.O Camões husu ba maluk defisiénsia sira iha festa eleisaun prezidensiál ne’e, halo tuir ba saida mak ita bo’ot sira iha, fiar katak maski ho kondisaun ho defisiénsia maibé nafatin forte la bele fiar lia anin, no lia falsu ne’ebé mak sei mosu mai.
Iha konferénsia imprensa Abilio hateten hanesan ema ho defisiénsia, akompaña durante iha diskusaun Orsamentu Jerál Estadu (OJE), orsamentu ne’ebé mai ho nia valor ne’ebé mak bo’ot tebes, governu mai promesa barak ne’ebé mak midar no furak tebes, maibé to’o ohin loron barak mak seidauk realiza.
“Entaun aprosimasaun ne’ebé mak ema defisiénsia halo, durante ne’e la iha atensaun husi parte governu balun, liga mos ho setór Agrikultura, durante ne’e so iha apoiu másimu barak liu husi parte ajénsia no mos ONG internasionál sira,” dehan Abílio ba Jornalista sira, iha konferensia iha Farol HASATIL, 28/01.
RHTO espera katak governu sei tau atensaun nafatin liu-liu ba ema ho defisiénsia ne’ebé mak kria rasik nia produsaun, atu nune’e ba futuru sira bele investe buat ruma ne’ebé mak di’ak liu ba iha rai Timor-Leste.
RHTO rekomenda ba parte Presidente Republika ne’ebé sei eleitu, espera katak programa hotu sei la’o tuir inkluzividade no mos orsamentu ne’ebe prevee bele sensivel liu ba ema ho defisiénsia, hodi hakbiit no haforsa sira nia rendimentu
