Home Notisia FONGTIL: Estrutura VIII Governu Ne’ebe Boot, hatudu Pratika Politika Fahe Poder

FONGTIL: Estrutura VIII Governu Ne’ebe Boot, hatudu Pratika Politika Fahe Poder

604
0
Diretor FONGTIL Daniel dos Santos. [Foto: Francisco JDA | 08.06.2020]

Reportazen Francisco JDA

Forum Organizasaun Naun Governamental Timor Leste (FONGTIL) hala’o konferensia imprensa relasiona ho estrutura governu ne’ebé forma dadaun. Tuir FONGTIL nia hare katak barak liu sei fo implikasaun ba Orsamemtu Estadu no hasae kompexidade desempenhamentu governasaun nian.

Estrutura ne’ebé forma dadaun tuir FONGTIL nia hare katak ,sei hatodan Orsamemtu Jerál Estadu hodi aloka ba despeza operasional kamada estrutura governu tomak no prejudika tebes sustentabilidade Fundu Petroliferu iha iha futuru. Estrutura VIII governu ne’ebé boot, sei kontribui ba despeza estadu no hatudu prátika polítika fahe poder.

Diretor FONGTIL, Daniel dos Santos ba jornalista sira hatete, ukun nain sira presiza hare no tetu didiak asuntu finansiamentu, tanba ho formasaun estrutura governu ne’ebe boot, seidauk bele garantia atendimentu servisu públiku la’o ho efetivu no efikasia. Tanba ne’e Husu Prezidente da Repúblika no governu atu konsidera presiza promove boa governasaun.

“Tendensia aumenta númeru governu iha kada governasaun la’ós soluasaun ba hadiak atendimentu públiku, maibé atu satifas de’it nesesidade polítika poder nian. Maneira ukun hanesan ne’e presiza hadia. Aumenta númeru governu signifika aumenta orsamemtu estadu, hamenus beibeik fundu minarai hodi benefisia de’it interese politik poder nian, presiza promove sidadaun asume knaar nu’udar membru governu, bazeia ba meritu no livre hosi krime saida de’it”, esplika Diretor FONGTIL Daniel dos Santos Iha Salaun FONGTIL Kaikoli , 08/06.

Daniel dos Santos akresenta sosiedade sivil preokupa tanba tendensia boot akontese beibeik iha governasaun, maibé g overnu kontinua la efetivu no efikasia. Membru governu sira la halo sira nia funsaun ho di’ak no kontribui ba efetividade governasaun.

Print Friendly, PDF & Email

LEAVE A REPLY

Please enter your comment!
Please enter your name here