Reportajen Filomena da Conceção
Relasiona ho Kazu osan $130 mill ne’ebe nain husi Partido Kmanek Haburas Unidade Nasionál Timoroan (KHUNTO), ne’ebe suspeitu MV atu lori sai ba rai liur, maibé Servisu Nasionál intelegensia (SNI) ho Alfandega, foti tiha osan ne’e iha Aeroportu Nicolau Lobato, horseik entrega fila fali ona ba KHUNTO.
Liuhusi konferensia imprensa, advogadu Partidu KHUNTO, Ismael Asunsaun Lopes, hateten iha duni suspeitu ne’ebé atu lori osan $130 mill sai husi Aeroportu Nicolau Lobato, atu ba Indonesia, maibé konsege atua husi Servisu Nasionál intelegensia (SNI) ho Alfandega, no publiku tomak hatene no preokupa tebes ne’ebe akontese tinan kotuk 2022 nian.
“Iha duni suspeitu sira ne’ebé maka parte autoridade sira suspeita, tanba lori osan ne’ebé maka mai husi partidu nian sai husi Timor ho Valór $130 mill, atu liu ba Indonésia maibé osan la konsege liu tanba hetan atuasaun iha Aeropotu Nicolau Lobatp, no iha momentu ne’ebá SNI ho Alfandega asegura kedas osan ne’e, nune’e fó ba Policia Investigasaun Criminal (PCIC) asegura kedas osan, hodi guarda parte durante fulan haat hodi Prosesa,” dehan advogadu KHUNTO Ismael, liuhusi konferénsia imprensa iha Hotel Timor, Kinta 19/01.
Nia haktuir iha altura ne’eba PCIC lori kedas kazu refere ba Ministériu Públiku prosesu tuir Lei ne’ebé vigora. PCIC foti informasaun hotu, kazu direitamente PICIC so hanesan auxiliar ba Ministeiru Públiku, PICIC foti dadus kompletu, foti News kompletu hodi relata kedas ba iha parte Ministeiru Públiku.
Iha altura ne’ebá Ministériu Públiku rona diretamente suspeitu ida ne’ebé notifikadu, hodi rona para konfirma osan ne’e nia paradeiru, maibé nu fim suspeitu deklara katak osan ne’e osan partidu nian, no osan ne’e atu lori ba kompra roupa ba Partidu nian, atu halo kampaña iha 2023 Eleisaun Parlamentár.
“Osan refere entrega fila fali ona ba nia na’in iha 18 Janeiru 2023, so iha $5 mill koima mak devolve fila fali ba estadu, tanba viola regra Banku sentrál, ” nia deklara.
Nia salienta, iha situasaun ida ne’ebé difisil iha altura ne’ebá, tanba sira viola de’it regra banku sentrál nian ne’ebé maka lei brankamentu Kapitál númeru 17 /2011, iha aliña 4.
Ho ida ne’e, MP obriga koordena ho banku sentrál, hodi fo osan fila fali ba nia nain, no osan nia nain maka tenke kumpre fali koima husi osan $130 mill.
