Reportajen Calisto dos Santos Oqui
Estrada postu Administrativa Nitib, suku Lele Ufe, aldeia Bebu kondisaun estrada ladiak tamba udan
Ba jornalista Neon Metin Xefe Aldeia Bebu, Moises Neno hateten katak ita ukun-an tinan barak ona, maibe ami nia estrada nafatin hanesan ne’e, estrada ne’e uluk guvernu mak halo maibe ate agora paradu hela.
Tuir Xefe Aldeia Bebu hateten katak estrada iha suku ida ne’e, kuaje ladiak hotu, tamba tahu mak taka metin estrada, wainhira tempu udan, komunidade atu viajen lori produtu ba merkadu araska, tamba estrada ladiak no transporte mos latama.
“Karik tempu udan ami nia problema mak transporte, tamba komunidade sira estraga deit sira nia produtu tamba transporte laiha”, dehan Moises ba Neon Metin, 01/03.
Total populasun ne’ebe hela iha aldeia Bebu hamutuk 255. Tuir observasaun Neon Metin, hahú husu ponte Noe-Fefa mai to’o suku Lela Ufe, aldeia Bebu kuaze estrada la diak.
