Home Notisia PR Lu Olo: Hakarak Jornalista Sai Edukador ba Labarik no Ema Bo’ot

PR Lu Olo: Hakarak Jornalista Sai Edukador ba Labarik no Ema Bo’ot

605
0
Xefe Casa Civil Presidensia da Republika, Fransisco Vasconselhos, hato'o lia menon Presidente da Republika nian iha Dili Dialogue Forum (Foto: Fransisco de Almeida)

Fransisco de Almeida

Jornalista sira nu’udar edukador ba labarik no ema bo’ot nian. Sira mak ema profisional ne’ebé hatoo lialos no habelar prinsipio no valores ne’ebé aswain sira husik hela ita hotu hodi tane ohin loron nian, Imprensa ida livre mak imprensa ne’ebe tane aas valor demokrasia no halo tuir regras mak establese ona.

Presidente da Republika Fransisco Guterres ‘Lu-Olo’ nia lia menon ne’ebe hato’o iha loron inseramentu Dili Dialogue Forum, liu hosi ninia Xefe Casa Civil, Fransisco Maria Vasconselhos hatete katak, “Presidente da Republika hakarak husu ba povo tomak  atu hare ba jornalista sira nu’udar edukador ba labarik no ema bo’ot nian, nudar profisional ida ne’ebé hatoo lialos no habelar prinsipio no valores ne’ebé aswain sira husik hela ba ita hotu hodi tane ohin loron nian, imprensa livre mak tane as demokrasia liberdade imprensa hatuur ho regras nune’e mos sidadaun, grupu sosial ka politik atu halo tuir regras demokrasia nian, nune’e mak ita bele moris hamutuk no hakmatek ho fiar respeitu domin ba malu nuudar familia boot ida no uma kain boot ida Timor –Leste nian”. Lia hirak haktuir hosi Vasconselhos iha Salaun Ministru das Finansas, loron 20/07, iha Aitarak Laran, Dili.

Liu husi mensagen ne’ebé Presidente fo ba Xefe Casa Civil, Presidente RDTL ho laran solok tebe-tebes wainhira simu konvite husi Konselho Imprensa (KI) Timor-Leste nian atu taka forum importante ne’ebé halibur husi  KI husi Asia no sudueste Pasifiku,. importansia husi forum ida ne’e oinsa atu tulun malu nune’e bele haforsa monitoriza no proteje jornalista sira nia direito atu expressa ho liberdade, la tauk fo sai sira nia hanoin husi meius komunikasaun sosial iha sudueste Asiatiku no Pasifiku.

Iha mensajen ne’e PR  hatutan tan katak bai-bain ita la rona jornalista sira iha persegisaun politika ema baku kah oho, hanesan akontese iha rai seluk. Iha TL iha Imprensa livre jornalista sira la tauk ba hahalok sala ruma husi lider sira nune’e jornalista sira honestu no rigurozu ona.

Presidente da Republika mos hato’p mensajen dehan, “Ha’u fiar katak estadu TL sei habelar ba bei-beik mekanismo sira ne’ebé mak fo seguransa ba jornalista sira, nu’udar sidadaun profesional ne’ebé imforma, eduka no forma sidadun responsavel iha rai doben ida ne’e.  Jornalista sira halao servisu imformativu imparsial tuir faktus no la haliis ba interese ne’ebé deit.  Espiritu fahe matenek no hanoin hamutuk nu’udar povo no nasaun ida deit, ho hakarak ida deit hametin unidade nacional,  atu haburas ita nia rain doben ida ne’e  ho paz no estabilidade”.

Iha lia menon ba taka Dili Dialogue Forum, Presidente Konsellu Imprensa (KI) Virgilio Guterres hatete katak dialogue ne’ebe halao importante tebes hodi haree mekanizmu auto-regulasaun midia nian. Maibe rekoinese katak atu ida ne’e sai diak presija proseu naruk.

“Dili Dialogue Forum kontinua sai tiha ona eventu anual,  nune’e bele fahe hanoin hamutuk no bele  deskute diak liu tan, iha forum ida ne’e koalia kona ba mekanismo auto-regulasaun nasional no rejional. Nune’e hamosu diskusaun husi Konsello Imprensa husi Asia no Pasifiku atu bele fo hanoin nesesario ou lae ba mekanismo auto regulasaun nian. Jeralmente sira hatete dehan balun lae tamba nasaun balun democtariku liu, no balun seidauk democratiku, tamba ne’e presija prosesu ne’ebe naruk atu bele hametin desemvolvimentu liberdade imprensa no liberdade expresaun iha Timor- Leste”, dehan Virgilio iha nia lia menon inseramentu.

Dili Dialogue Forum halao ho susesu iha loron 2 nia laran, hosi 19 -20 Jullu. Partisipa hosi reprezentante KI husi Papua Nova-Guinea, Indonesia, Thailandia, Filipina, no mós partisipa husi UNESCO, IFC ho SIFA. Iha mos partisipantes nasional nian sira, mai hosi asosiasoens jornalista, media nain no mos jornalista sira.

 

 

LEAVE A REPLY

Please enter your comment!
Please enter your name here