Home Notisia SS-CIJK Husu Deskulpa Ba Familia Matebian Afetadu COVID-19, Tanba Hakoi Tuir ...

SS-CIJK Husu Deskulpa Ba Familia Matebian Afetadu COVID-19, Tanba Hakoi Tuir Regra

450
0
familia matebia pasiente COVID-19. [Foto: David da Costa | 07.04.2021]

Reportazen David da Costa Gusmao*

Relasiona ho pasiente COVID-19 nain ida ne’ebe mak mate ona, reprezentante Sala Situasaun Centru Intergradu Jestaun Krize (SS-CIJK), Koordenador ba Destakamentu Reasaun Rápida (KDRR), Aurélio Guterres husu deskulpa ba família matebian, tanba regra COVID-19 nian obriga famíla matebian partisipa ka asiste prosesu funeral ou hakoi mate isin ho distansia.

“Hau lori CIJK nia naran hakarak husu deskulpa barak ba família tomak, tanba prosesu prosedimentu hakoi pasiente COVID-19 nia regra mak hanesan ne’e ona, ita halot tuir prosesu ne’ebe Organizasaun Saúde Mundial (OMS) hatur ona liu husi ita nia Ministériu Saúde (MS)”, dehan Aurélio bainhira remata hakoi mate isin iha semitériu COVID-19 iha Metinaro, 06/04.

Nia salienta tan katak ho nune’e, lori CIJK nia naran hato’o sentidu kondolensia ba família matebian nian ne’ebé ohin husik hela família, tanba kauza pandemia COVID-19.

Tuir observasaun jornalista Neon Metin iha tereinu  katak, distansia entre semitériu hakai mate isin COVID-19  ho fatin halo misa mais ou menus 100 metru, iha prosesu halot matebian nia isin mate, familia labele besik no la bele partisipa sunu lilin ka kari ai-funan, maibe lilin ho aifuan ne’ebe familia lori, sei tau iha meza ne’ebe ekipa CIJK prepara no ekipa ne’ebe toma konta mak sei lori lilin ho aifuan ne’ebe família lori hodi tau ba iha semitériu.

Informasaun ne’ebe mak Neon Metin asesu iha fatin tereinu katak,  tuir protokolu CIJK nian, sei autorija família matebian COVID-19 ne’e bele ba kari ai-funan no sunu lilin hafoin loron 10, sura hosi loron sura hakoi matebian isin.

*(David da Costa Gusmao nudar estudante UNTL ne’ebe estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here