Home Notisia Dr. Jose Ramos Horta ho Dr. Rui Araujo Ohin Simu Ona Vasina...

Dr. Jose Ramos Horta ho Dr. Rui Araujo Ohin Simu Ona Vasina AstraZeneca

160
0
Dr. Jose Ramos simu no Dr. Rui Araujo. [Foto: Neon Metin no facebook | 07.04.2021]

Reportazen David da Costa Gusmao*

Eis Prezidente Republika Timor-Leste no Laureadu Nobel da Paz, Dr. Jose Ramos Horta hateten bainhira simu vasinasaun ne’e normal, iha mundu ema hotu-hotu halo vasinasaun, koalia ho Timor oan balun iha Englatera no  ema estranjeiru balun katak konaba vasina ida ne’e duni Timoroan barak mak vasina ona. Iha Englatera iha 30 mill resin simu ona vasina.

Dr. Jose Ramos Horta hateten iha loron lansamentu vasina AstraZeneca iha centro klinika Farmosa, nia hateten bainhira vasina ona ne’e, dala ruma sempre iha isin manas, isin moras no iha reason maibe ida ne’e normal.

“Hau sei simu fali vasina segundu doses iha loron 8 Junho,  hafoin ida ne’e mak bele hateten imunidade ne’e aumenta, ba segunda doses ne’e imunidade bele iha 80 ka 90%, mai e agora ne’e seidauk,” nia informa.

Nia husu ba komunidade sira bainhira governu hahu vasinasaun hotu-hotu simu, tanba meiu vasina ne’e atu prevene COVID-19, maske vasina ona maibe tenke ser uza nafatin maskra no distansia nafatin.

Iha fatin hanesan Koordenador Forsa Tarefa Prevensaun no Mitigasaun Surtu COVID-19 iha Timor-Leste, Dr. Rui Maria de Araujo dehan ho vasinasaun ne’e hanesan preveleiju ida ba nia, tanba nia mos ema primeiro ne’ebe simu vasina, tanba vasina ne’e atu haforsa ema nia imunidade, bainhira hetan virus kontasioja COVID-19.

“Hau husu ba komunidade lalika tauk vasina, hanesan mos ita lori ita nia oan ba vasina sarampu, vasina hepatites no seluk tan, hanesan mos ho ida ne’e. Mai hau vasina ida ne’e hanesan prevelijiu ida mai hau”, dehan Rui.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here