Home Notisia Rede Internet La Lao, Ministru Agustinho: Backbone Telkomsel Monu Iha Maumere no...

Rede Internet La Lao, Ministru Agustinho: Backbone Telkomsel Monu Iha Maumere no Kupang

373
0
Ministro Transporte Komunikasaun, José Augustinho da Silva. [Foto: Media MTK | 07.04.2021]

Reportazen Francisco JDA

Relasiona ho internet hosi rede Timor Telecom,  Telemor no Telcomsel ne’ebé hetan problema, hodi prejudika kliente sira, labele asesu ho di’ak tanba Backbone Telcomsel mak monu iha Maumere no Kupang-Indonesia, hodi afeta ba operadores Timor Telecom no Telemor, labele funsiona ho diak, atu kliente sira bele asesu.

Tuir Ministro Transporte Komunikasaun (MTK), José Augustinho da Silva ba jornalista sira hateten, loron hirak liu ba operadores telekomunikasaun tolu hanesan Telemor, Timor Telecom no Telcomsel sira iha problema tekniku, nune’e telcomcel nia Backbone ne’e monu entaun afeta ba  operadores telekomunikasaun rua hotu, tanba Telemor no Timor Telecom depende ba Telcomcel.

“Ohin dadersan akontese rede telekomunikasaun internasionál monu, tanba afeta hosi dezastre naturais akontese iha Maumere no mós iha Kupang,  nune’e tekniku sira dadaun ne’e serbisu hela oinsá mak hadia infrastrutura, nune’e bele normaliza fali linha fornesimentu internet ba ita nia kliente sira hotu,” hateten Ministro Transporte no komunikasaun iha Formoza hafoin partisipa lansamentu Nasionál ba Imunizasaun Covid-19, 07/04

Ministru José Agostinho da Silva reforsa tan, solusaun ne’ebé MTK halo mak bolu operadores telecomunikasaun liu hosi Autoridade Nasionál Comunicasaun (ANC), atu oinsá mak asegura nafatin rede internet, tanba durante Serka Sanitaria, ema hotu iha uma nune’e nesesidade ba internet ne’e aas

Bainhira jornalista Neon Metin husu kona ba maioria populasaun mak dadaun ne’e uja internet karik iha Giga Bite  hira? Ba Neon Metin Ministru José  Agostinho  da Silva Hatan katak, ” teknolojia mega Bite ne’e expira tiha ona iha 1994, mais Timor-Leste agora ita sei uja, hosi nasaun seluk Mega Bite ne’e hasae tiha ona ba Giga Bite (GB),  husi GB ema hasae ba Tera Bite ona, ema hotu-hotu asesu ba Tera Bite mas ita sei uja Mega Bite per Second, nune’e pior liután 200 mega Bite per Second de’it, tan ne’e polítika governu hosi 200 mega Bite ne’e sei hasae ba 1 Giga, hodi hein prosesu vibra optika ne’e mai” hateten MTK  José Agostinho da Silva

Print Friendly, PDF & Email

LEAVE A REPLY

Please enter your comment!
Please enter your name here