Home Uncategorized Nain 5 Kuradu no Fila Hikas Ba Familia, CIJK: Komunidade Labele Diskrimina...

Nain 5 Kuradu no Fila Hikas Ba Familia, CIJK: Komunidade Labele Diskrimina Sira Tanba Virus Laiha Ona

265
0
Maluk sira ne'ebe kuradu fila hikas ba familia. [Foto: Francisco JDA | 25.04.2020]

Reportazen Zevonia Vieira

Relasiona ho nain 5 ne’ebe mak kuradu ona hosi moras Covid-19, ne’ebe halo ona izolamentu iha Vera Cruz no ohin loron fila hikas ba sira nia familia, liu hosi konferensia imprensa iha centru media, Portavoz Centru Integradu Jestaun Krize [CIJK], Dra. Odete Viegas hateten katak rekuperadu ka kuradu nain 5 hosi provavel nain 4 no positivu 1 kompleta ona sira nia teste laboratoriu dala rua tutuir malu negativu, dadaun ne’e Ministeriu Saude  entrega fila ba sira nia familia.

Dra. Odete hatutan katak Ida ne’e atu hatudu katak esforsu tomak ne’ebe mak governu liu hosi Ministeriu Saude, ekipa de Trabalhu Centru Integradu Jestaun Krize hamutuk ho linhas Ministeriais hotu,  parseirus no relijiojus sira nian kontirbuisaun tomak, ohin dader ita bele fo fila fali ita nia maluk nain 5 ba iha komunidade no familia.

CIJK husu ba komunidade no familia atu nafatin koopera no labele diskrimina tanba virus ne’e laiha ona, sira fila ba iha familia hodi bele halao nafatin vida normal hanesan ita no kontinua mantein medidas prevensaun ne’ebe mak Ministeriu Saude hatoo.

Liu hosi konferensia imprensa Dra. Odete mos kongratula professional saude sira ne’ebe durante ne’e halao sira nia knaar, tantu iha fatin izolamentu no ba ema sira ne’ebe halao esforus tomak hodi halo triajen iha municipios hotu.

“Ida ne’e medidas de prevensaun ida, atu nune’e bele iha detesaun sedu ba moras Covid-19, sekarik iha ona transmisaun komunidade, hanesan kazu professor Portugueses sira iha Liquisa maske to’o agora ekipa vijilansia sedauk detekta ema ne’ebe iha sintomas ho Covid-19”, hateten Dra. Odete iha CCD, 25/04.

Dra. Odete hateten hosi esforsu ne’ebe mak governu halo hatudu ona ita nia progresu ida no hatudu mos ba mundu katak ho rekursu ne’ebe limitadu ho difikuldades oin-oin, konsege ultra pasa faze ida, signifika ita nia moras ne’e bele rekupera no la tama iha estadu ne’ebe grave no la to’o mate.

Portavoz CIJK ne’e mos agradese ba media tomak,  tanba kontribuisaun hosi media mak bele fo mos informasaun ba publiku, “maske dalabarak iha dezentendimentu oin-oin entre ita, maibe ida ne’e hatudu sinal katak fo nafatin biban mai ita, fo nafatin forsa mai ita, atu nafatin luta kontra moras Covid-19”.

Print Friendly, PDF & Email

LEAVE A REPLY

Please enter your comment!
Please enter your name here