Home EduTek Covid-19, MS ho Catalpa Lansa Chatbot Hodi Ajuda Komunidade Asesu Informasaun Kredibel...

Covid-19, MS ho Catalpa Lansa Chatbot Hodi Ajuda Komunidade Asesu Informasaun Kredibel Hosi WhatsApp

156
0
MS ho Catalpa International lansa Chatbot. [Foto: Francisco JDA | 25.04.2020]

Reportazen Francisco JDA

Timor-Leste lansa linha chatbot liu hos WhatsApp atu fornese informasaun ne’ebe loos, kredivel no atual ba povu durante surtu Covid-19.

Ba jornalista sira iha sala konferensia imprensa CIJK, portavoz CIJK, Dra. Odete Viegas hateten Ministeriu Saúde  hamutuk ho Catalpa Internasionál  no Organizasaun Mundial Saude [OMS], lansa chatbot ho objetivu atu bele fahe imformasaun ho ofisialmente kona ba Covid-19 ba komunidade no mós atu kontra boatus ka informasaun falsu ne’ebé dala barak halo komunidade rona ka sente tanba ne’e mak liu hosi Chatbot bele fo sai informasaun ne’ebé kredibel no los ba komunidade

“Chatbot nu’udar media ofisiál ida ne’ebé fó liu biban ba komunidade sira, métodu atu asesu informasaun ne’e mak liu hosi Whats Up hosi númeru telefone ofisiál 7556000  no bainhira atu hakarak hatene informa saun bele hakerek “Hello” no sei hetan informasaun direto konaba Covid-19” hateten Dra. Odete Viegas ba jornalista sira iha CCD, 25/04.

Dra. Odete mos hateten iha Chatbot laran mensiona kedas informasaun sira ne’ebe publiku sira hakarak hatene konaba nutisia ka dadus, sei mosu hotu iha Chatbot. Meius ida ne’e fasilita informasaun ne’ebe diak liu no ativu. Ministeriu Saude, Media, komunidade,  governu no sosiadade sivil hotu bele utiliza komunikasaun ida ne’e.

Iha fatin hanesan Team Leader Catalpa, Gabriela Leite Soares ba Neon Metin hateten hosi Chatbot hakarak komunidade sira asesu informasaun ne’ebe los ho fontes ne’ebe kredibel, nune komunidade bele seguru ho informasaun ne’ebe mak publika liu hosi Centru Integradu Jestaun Krize. Inklui mós estigma no Diskriminasaun ba maluk sira ne’ebé kona moras ka iha suspeitu kona-ba Covid-19″

Neon Metin halo konfirmasaun oinsa ema sira iha area rural no maluk ho difisiensia sira?

Gabriela hatan katak ba sira ne’ebé la iha Smartphone Ministeriu Saude komesa ona manda sms  ida ne’e ba sira. Ministeriu Saude mos durante ne’e la’o ba municipiu halo sosializasaun ho lideransa lokál sira atu fahe informasaun.  MS mos adopta ona mekanismu oin-oin hodi asegura komunidade sira asesu informasaun no fahe informasaun hosi kanais oin oin.

Gabriela mos informa katak linha apoiu chatbot ne’e Catalpa International oferese gratuita hodi ajuda governu liu hosi Ministeriu Saude. Governu la fo osan ka la selu Catalpa hodi bele fasilita komunidade sira bele asesu informasaun ne’ebe fo sai hosi governu no CIJK. Rekursu balun aloka ba responde ba COVID-19, maibe governu ka MS la selu ba servisu sira nebe Catalpa halo ba responde  COVID-19 no apoiu finanseiru ba atividade ami halo ba COVID19 mai husi Governu Australia.

“Durante ne’e SMS ne’ebe sidadaun simu konaba Covid-19,liu hosi TT no Telemor prosesu ne’e fasilta hosi Catalpa. Ami mos dezenvole SMS sira ne’ebe mak durante ne’e sidadaun simu, nia konteudu SMS mai hosi guidelines hosi MOS no antes hatun SMS hirak ne’e Ministeriu Saude halo revizaun no aprova mak foin manda ba TT no Telemor”, esplika Gabriela ba Neon Metin via telephone, 25/04.

Gabriela mos informa katak Catalpa ajuda governu estabelese issue tracking ba 119 nudar centru emergensia hodi monitoriza telefone tam aba 119

“Ema telefone feto ka mane mak barak, telefone asuntu saida, por ezemplu husu informasaun kona ba prevensaun ka husu ajuda tanba sira moras ka buat seluk. Ida ne’e hodi hafasil MS ho sira nia monitoring no reporting ba 119 nian”, esplika Gabriela ba Neon Metin.

Catalpa mos komesa ona uza 3D printer hodi print face shields hodi ajuda proteje pesoal saude sira. Face shields ne’e clinically validated husi Dr. Josh Francis, ne’e katak tuir ona estandar mediku nian nebe seguru hodi uza. Catalpa mos dezenvolve App ho naran asteroid.tl ba maluk Timor sira hodi uza ba fo training kona ba COVID19 ba pesoal saude sira.

Gabriela mos informa katak programa ne’ebe Catalpa lansa hetan tulun hosi governu Australia, tanba Catalpa iha programa saude nian ne’ebe durante ne’e halo hamutuk ho Ministeriu Saude hanesan Programa Liga Inan, ne’ebe manda SMS ba inan isin rua to’o sira nia oan tama iha fulan 6, no iha suku 6 iha municipiu Lautem mak nudar projetu pilotu ba inan sira simu mesajen to’o sira nia oan tinan 2.

LEAVE A REPLY

Please enter your comment!
Please enter your name here