Reportagem Filomena da Conceição
Provedoria de Direitos Humanos e Justiça (PDHJ) Virgílio da Silva Guterres ” Lamukan” hateten, sei tau atensaun hodi ko’alia ho Centro Nacional das eleições (CNE) no STAE, atu bele fasilita maluk sira husi ema ho difisiénsia hodi ezerse sira direitu iha sentru Votasaun ho di’ak.
Nia dehan PDHJ sei tau atensaun ba asuntu ema ho defisiénsia, nune sei koalia ba CNE ho STAE, no fiar katak CNE no STAE iha ona referensia atu oinsá bele esforsu, hodi fasilita no garante maluk sira ne’ebé ho kondisaun defisiénsia atu bele ezerse sira nia direitu no seguru, tanba durante ne’e balun hetan akompañamentu husi ema seluk, maibé ikus mai sira hatene katak sira nia votus ne’e la sekretu, tanba ida akompaña ne’e ba vota fali ema seluk ou partidu seluk ne’ebé mak la’os maluk ema ho difisiensia nia hakarak.
Nune’e PDHJ nian hanoin tempu ona ba STAE ho CNE atu halo esforsu hodi garante partisipasaun ne’ebé inkluzivu, liu-liu ba maluk sira ne’ebé mak difisiensia. Atu koalia direitu konstitusional tenke halo sensibilidade ba fatin votasaun, tenke garante ba ema ho defisiénsia tanba ne’e buat balun foti maka kustu.
Nia husu ba STAE ho CNE rekonsidera hodi bele fasilita formasaun ba ema ho difisiénsia sira, atu sira bele ezerse sira-nia direitu de votu ho di’ak, tanba maluk sira husi ema ho difisiénsia mós iha rekursu barak atu utiliza, hodi fasilita formasaun ba ninia maluk sira.
“Elisaun ne’e hanesan eventu ou loron ida ne’ebé ema hotu atu ezerse sira nia direitu polítiku, entaun sidadaun hotu tenke garantia asesu ba fatin , tenke komprende iha asisténsia espesiál hanesan maluk sira ho kondisaun defisiénsia”, dehan Provedro Virgilo iha Delta Nova, 09/02
