Home Notisia Parlamentu Simu Notifikasaun Hosi TR Konaba Pedidu Hosi Bankada CNRT

Parlamentu Simu Notifikasaun Hosi TR Konaba Pedidu Hosi Bankada CNRT

1142
0
Sekretaria Meja PN halo konferensia imprensa. [Foto: Francisco JDA | 14.01.2021]

Reportazen Francisco JDA

Parlamemtu Nasionál (PN) hala’o konferensia imprensa, relasiona ho notifikasaun hosi Tribunal Rekursu (TR) konaba fiskalizasaun konstituisionalidade ba artigu balun konaba lei orsamentu jeral estadu 2021, ne’ebe pedidu refere hosi bankada Congresu Nasionál Rekonstrusaun Timor (CNRT)

Secretaria meja Parlamentu Nasionál, deputada Lidia Norberta ba jornalista sira hateten iha kuota hosi Presidente Parlamentu Nasionál katak Prezidente Parlamentu sei responde dentro  loron 30 nia laran,   tuir lei haruka no nudar opozisaun deputadu CNRT sira iha direitu, atu halo pedidu ba Tribunal Rekursu maibé tenki kontribui ba interese estadu.

“Wainhira Tribunal notifika Parlamentu Nasionál iha ne’ebá iha 30 dias atu responde ne’e sijilio prosesu de Justica. Ami sei la fó sai buat ne’ebé agora dadaun iha hela prosesu, dadaun ne’e iha faze meja Parlamentu kumpri hela ninia dever ida tribunal husu mai ne’e  tenki prepara resposta ruma ba  pedidu ida ne’e”, hatete  Secretaria Meja PN deputada Lidia Norberta iha sala konferensia PN,14/01

Deputada Lidia Norberta afirma tan pedidu ne’e kona ba artigu balun iha orsamentu jerál estadu la’ós ba pesoal ka bankada ida, maibé ba orgaun soberania no resposta hotu sei reprezentante Parlamentu Nasional.

Bainhira jornalista husu pedidu notifikasaun hosi Tribunal Rekursu ne’e sei fo impaktu ba ezekusaun OJE 2021? ba jornalista sira Sekretaria Meja PN, Deputada Lidia Norberta hatan katak, “lae, la fo impaktu ba ezekusaun, lei promulgadu tiha ona ne’ebé ezekusaun orsamentu kontinua la’o”.

Relasiona ho asuntu ne’e jornalista sira halo konfirmasaun ho Vise Xefe Bankada CNRT, Patrocino Fernandes informa katak, “ami la halo buat foun ida, kontinua de’it opiniaun bankada governu iha Komisaun A no C mak hatete katak orsamentu ne’e inkonstituisionalidade, entaun se bancada governu hateten orsamentu ne’e inkonstituisional, mak ami kontinua de’it ba hato’o iha Tribunal no hatete ba tribunal hare hela bankada governu  iha sira nia relatorio paraser komisaun nian ne’ebé hatete orsamentu jerál estadu 2021 inkonstituisional”.

Print Friendly, PDF & Email

LEAVE A REPLY

Please enter your comment!
Please enter your name here