Home Notisia SekJen RENETIL: Lider Sira Presija Haraik-an, Halo Dialogu Hamutuk Hadia TL

SekJen RENETIL: Lider Sira Presija Haraik-an, Halo Dialogu Hamutuk Hadia TL

286
0
Sekretariu Jeral RENETIL, Juaquim Fonseca "Russuo". [Foto: 20.06.2020]

Reportazen Santina Lucia da Costa

Relasiona ho situasaun politika iha tempu agora, ne’ebe dala barak akontese entre lideransa sira, liu hosi komemorasaun loron organizasaun Rezistensia Nasional Estudante Timor-Leste (RENETIL) bad ala 32, Sekretariu Jeral RENETIL, Juaquim Fonseca “Russou” ba Neon Metin hateten kondisaun haree ba situasaun politika, enkuadramentu juridiku, prosesu demokrasia ne’e rasik ne’e lao oinsa.

Sekretariu Jeral RENETIL hateten iha situasaun politika ne’ebe lao dadauk, sai lider ho responsabilidade id aba povu, atu hare prosesu dezenvolvimentu ne’e ba oin.

“Ita harii buat foun, hanesan Timor-Leste, mezmu tinan 18 ona ita relativamente, komparativamente ho rai seluk ne’e, ita sei hanesa rai foun ida, nia seidauk maduru, entaun dalaruma iha buat balun ne’ebe ita sei presija hadia. Só Ita rekoñese katak iha nesesidade hadia no mai hamutuk atu hadia”, hateten Russou iha nia rezidensia, 19/06.

Iha komemorasaun loron moris RENETIL nian, Sekretariu Jeral RENETL husu ba lider sira istoriku sira, lider joven sira atu refleta didiak ba situasaun ida ne’e, tanba tama iha impase politiku ida ne’ebe naruk tebes,  

SekJen RENETIL apela ba lider sira hotu, atu haraik-an, diferensia politika ne’e eziste tanba, nesesidade demokrasia nian, maibe nusa mak diferensia politika ne’e evita no sai hanesan impedimentu ida, hodi ema atu serbisu hamutuk hadia rai ida ne’e nia moris.

Nia hateten militante RENETIL sira naklekar iha fatin barak, iha grupu politiku barak, hanesan Sekretaria Jeral, hau husu ba kompaneiru sira ne’ebe ké ativu iha partidu sira, atu hanoin saida mak bele halo iha partidu nia laran, hodi hadia situasaun ne’ebe mosu iha rai laran.

“Ita presija iha dialogu, ita presija kompromi atu bele hetan dalan sai, ba problema sira ne’ebe ita nia rai infrenta”, hateten Russou.

LEAVE A REPLY

Please enter your comment!
Please enter your name here